• Latest news

Անդամահատումից խուսափած տղամարդու ձեռքը ձեռնոցի է նմանվել (ֆոտո)

23 մայիսի, 2017  11:57

Զգուշացում. նկարները կարող են որոշ մարդկանց տհաճ թվալ

Կառլոս Մարիոտիի ձեռքն անդամահատումից փրկելու համար բրազիլացի վիրաբույժներն այն փորին են կարել: Հիմա նրա ձեռքը թաթմանի կամ բռնցքամարտի ձեռնոցի է նմանվել, բայց նա երազում է պլաստիկ վիրահատությունների շնորհիվ կրկին մատներ ստանալու մասին:

Կառլոսի ձեռքը խեղվել է դժբախտ պատահարի հետեւանքով, որը տեղի է ունեցել աշխատավայրում. ձեռքը դիպել է արդյունաբերական հոսքագծին, տառացիորեն ջնջխվել եւ մասերի բաժանվել: Թվում էր՝ այն անհնար է պահպանել, սակայն անդամահատումից հաջողվել է խուսափել բժիշկների բավականին անսովոր որոշման շնորհիվ, որոնք այն տեղադրել են հիվանդի փորի մեջ: Santa Otilia Foundation Hospital հիվանդանոցի վիրաբույժները փորի մեջ փափուկ հյուսվածքներով հատուկ գրպանիկ են ստեղծել, որպեսզի միսը ժամանակի ընթացքում ձեռքն ամբողջովին ծածկի եւ շարունակի նրան արյուն մատակարարել:

Սա թույլ է տվել ժամանակ շահել եւ վերջույթը պահպանելու հնարավորություն տալ: Վիրաբույժները խոստովանել են, որ նախկինում նման բան երբեք չեն արել, սակայն որոշել են փորձել՝ մաշկն առանձնացնելով փորի մկաններից եւ դրա հիմքով հատուկ պարկ ստեղծելով: Ձեռքն այս պարկում է մնացել ընդհանուր 42 օր:

Հիվանդը խոստովանել է, որ սարսափելի զգացողություններ է ունեցել, երբ ձեռքն զգացել է փորի մեջ, դրանից բացի՝ բժիշկները շարունակ խնդրել են մատները շարժել: Կառլոսն ամեն օր իրեն հիշեցրել է, որ չի կարելի ձեռքը շարժել, քանի որ կարերը կարող էին քանդվել եւ ամբողջ գործընթացը խափանել:

Ձեռքը մշտապես փորի մեջ պահելու անհրաժեշտությունը հիվանդի համար բավական ցավոտ եւ տհաճ էր: Ձեռքը հանելուց հետո այն փոքր-ինչ տարօրինակ տեսք ունի, սակայն  մոտ ապագայում տղամարդը պատրաստվում է վերականգնող պլաստիկ վիրահատությունների շարքի ենթարկվել, որոնք նրան թույլ կտան կրկին մատներ ստանալ: Կառլոսն այս վիրահատություններին անհամբերությամբ է սպասում:

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի