• Latest news

Տարեց տարիքում կալցիումը եւ D վիտամինը կոտրվածքներից չեն փրկում

27 դեկտեմբերի, 2017  23:49

Կալցիում կամ D վիտամին պարունակող հավելումների օգտագործումը չեն կարող տարեց մարդկանց ազդրի կամ այլ ոսկորների կոտրվածքներից պաշտպանել: Այսպիսի եզրակացության են եկել չինացի գիտնականները: Նրանց հետազոտության մասին նշված է JAMA ամսագրում հրապարակված հոդվածում:

Կոտրվածքների մեծացող սոցիալական եւ տնտեսական բեռը՝ կապված օսթեոպորոզի հետ, ամբողջ աշխարհում այսպիսի վնասվածքների կանխումը դարձնում է հասարակական առողջապահության հիմնական թիրախներից մեկը, նշել են հետազոտողները: Նրանք 33 հետազոտություն են վերլուծել՝ կոտրվածքների հետ կալցիումի եւ D վիտամինի կապի վերաբերյալ, որոնց մասնակցել է 50 տարեկանից մեծ ավելի քան 51 հազար մարդ, որոնք ծերանոցներում չեն ապրում: Մասնագետները կալցիում կամ D վիտամին ընդունելու եւ կոտրվածքների հավանականության միջեւ նկատելի զուգորդություններ չեն հայտնաբերել:

Գիտնականները եզրակացրել են, որ կալցիումի եւ D վիտամինի հավելումները չեն նվազեցում նոր կոտրվածքների հավանականությունը՝ անկախ դոզայից, հիվանդի սեռից, սնունդի չափաբաժնում կալցիումի քանակությունից կամ արյան մեջ D վիտամինի նախնական խտությունից:

Մինչդեռ վաղուց ապացուցված է, որ D վիտամինը անչափ կարեւոր է մարդու կենսագործունեության համար: Այսպես՝ այն կարեւոր դերակատարում ունի կալցիումի ներծծման պրոցեսի կարգավորման եւ ոսկրային հյուսվածքի աճի խթանման մեջ: Այն չափազանց արդյունավետ է կրծքագեղձի, խթաղիի եւ շագանակագեղձի քաղցկեղի կանխարգելման համար, անփոխարինելի է սրտի հիվանդությունների դեպքում եւ հոգեկան խանգարումները բուժելիս:

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի