• Latest news

Արա լեռան վրա վերելքի ժամանակ տուժած արշավականները վիրահատվել են

2 փետրվարի, 2018  20:24

Արա լեռան վրա վերելքի ժամանակ լուրջ վնասվածքներ ստացած 22-ամյա Հրաչյա Հարությունյանին եւ 38-ամյա Էդգար Նավասարդյանին վիրահատել են «Իզմիրլյան» բժշկական կենտրոնում։ Այս մասին NEWS.am Medicine-ի թղթակցի հետ զրույցում հայտնել է օրթոպեդիայի եւ սպորտային վնասվածքաբանության բաժանմունքի ղեկավար Սահակ Սարիբեկյանը։

Հրաչյա Հարությունյանին վիրահատել են երեկ՝ կոտրված անրակի օսթեոսինթեզ են կատարել։ Մասնագետների եւ արշավականի հարազատների խոսքով՝ նա հիմա իրեն լավ է զգում եւ շուտով կարող է վերադառնալ տուն։

Էդգար Նավասարդյանին վիրահատել են այսօր, նա ավելի լուրջ վնասվածքներ էր ստացել՝ կոտրվել էին ազդրոսկրերն ու սրունքի ոսկորները, բժիշկներից պահանջվել է 4 ժամ, որպեսզի մետաղական ինտրամեդուլյար ձողերով վնասված ոսկորները հավաքեն։

«Շատ բարդ վիրահատություն էր, սակայն վիրահատության նպատակին հասել ենք եւ արդյունքից գոհ ենք։ Մենք լավատեսորեն ենք տրամադրված, կարծում եմ, նրա հետ ամեն ինչ նորմալ կլինի»,-նշել է բժիշկը։

Հիշեցնենք, որ հունվարի 28-ին Արա լեռը բարձրանալիս 18 հոգանոց խումբը ձնաբքի մեջ էր ընկել: Արշավախմբի անդամներից մեկը՝ Նաիրուհի Սիմոնյանը, մահացել է, 22-ամյա Հրաչյա Հարությունյանն ու 38-ամյա Էդգար Նավասարդյանը մի շարք վնասվածքներ են ստացել:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։