• Latest news

Առողջության պահպանման նպատակով շուն պահելու 3 պատճառ

12 օգոստոսի, 2018  17:44

Շները դրական են ազդում մարդկանց առողջության վրա, կարծում են գիտնականները: Իսկ ո՞րն է շների դրական ազդեցությունը մեր ֆիզիկական եւ հոգեկան առողջության վրա:

Նրանք խրախուսում են մեր կանոնավոր ֆիզիկական մարզումները եւ ուժեղացնում սոցիալականացումը

Եթե դուք շուն եք պահում, ապա դա նշանակում է, որ դուք հիմա ֆիզիկական ակտիվության եւ կանոնավոր մարզումների համար ամենօրյա զուգընկեր ունեք: Հետազոտությունները ցույց են տալիս, որ շներին զբոսանքների տանելը կապված է մարմնի զանգվածի համաթվի նվազեցման, առօրյա կյանքում ավելի փոքր քանակությամբ սահմանափակումների եւ ավելի հաճախակի չափավոր ու եռանդուն ֆիզիկական վարժությունների հետ:

Շներին զբոսանքի տանելու կանոնավոր ժամանակացույցը նաեւ կարող է բարելավել ձեր սոցիալականացումը: «Տնային կենդանիներ ունենալը կարեւոր գործոն է, որը նպաստում է ձեր շրջանում սոցիալական փոխազդեցությանը եւ ընկերական հարաբերությունների հաստատմանը»,- նշում է Արեւմտյան Ավստրալիայի համալսարանից (University of Western Australia) բժիշկ Լիզա Վուդը:

Նրանք նվազեցնում են սթրեսի մակարդակը եւ մեծացնում արտադրողականությունը

Երբ դուք օրվա մեծ մասն անցկացնում եք աշխատավայրում կամ ուսումնական հաստատությունում, դա կարող է որոշակի խնդիրներ առաջացնել: Սակայն շան ընկերակցությունը կարող է ակտիվացնել մտավոր գործունեությունը եւ զգալիորեն նվազեցնել սթրեսի մակարդակը:

Դրանից բացի, նոր հետազոտությունը հաստատել է, որ համալսարանում շան հետ շփում ներառող թերապեւտիկ սեանսները կարող են բարելավել ուսանողների ինքնազգացողությունը եւ նվազեցնել բացասական զգացումների մակարդակը: Հետազոտության ընթացքում գիտնականները խրախուսել են շների հետ ուսանողների փոխգործակցությունը ստրեսային իրավիճակները վերացնելու համար, ինչպիսին են, օրինակ, քննությունները:

Նրանք օգնում են պայքարել հոգեկան հիվանդությունների դեմ

Հետազոտությունները ցույց են տալիս, որ շների ֆիզիկական հպումը եւ նրանց հետ կապվածությունը կարող են օգնել դեպրեսիան եւ տագնապը հաղթահարելուն: Դրանից բացի, շան խնամքը կապված է պատասխանատվության եւ որոշակի կանոնավոր գործողությունների կատարման հետ (առավոտյան վաղ արթնանալ, շանը զբոսանքի տանել, նրան ժամանակին կերակրել եւ այլն), իսկ հենց նման ապրելակերպ են խորհուրդ տալիս հոգեկան խնդիրների հաղթահարման համար:

Հետևեք NEWS.am Medicine-ին Facebook-ում և Twitter-ում


  • Այս թեմայով
  • Ինչպե՞ս է քնի պակասն ազդում արտաքինի վրա Արեցոլոյի խոսքով՝ քնի պակասի առաջին նախանշանները կապտուկներն ու աչքերի տակ պարկերն են, որոնք առաջանում են, երբ քնի պակասի հետեւանքով չորացած մաշկը պահում է ջուրը խոնավեցում ապահովելու համար․․․
  • Ի՞նչ կարելի է ուտել քնից առաջ՝ վնաս չհասցնելով առողջությանը Թռչնամիսն օգտակար է, քանի որ պարունակում է տրիպտոֆան՝ ամինաթթու, որն օգնում է արտադրել մելատոնին՝ քունը կարգավորող։ Այդ պատճառով թույլատրելի է նաեւ ուտել փոքր քանակությամբ այդպիսի միս քնից առաջ․․․
  • Ինչ տեղի կունենա սրտի հետ՝ հաճախ էներգետիկներ խմելու դեպքում Այս միացությունները մեծացնում են ուշադրության կենտրոնացումը եւ բարձրացնում են աշխատունակությունը: Սակայն, միաժամանակ, դրանք նյարդային համակարգի արագ հյուծման եւ սրտի աշխատանքի խաթարման պատճառ են դառնում․․․
  • Ինչ կարող է պատմել լեզուն մարդու առողջական վիճակի մասին Լեզվի կարմրությունը եւս մեկ ախտանիշ է, որին պետք է ուշադրություն դարձնել: Լեզուն կարող է կարմրել սթրեսի կամ այնպիսի տարրերի պակասի պատճառով, ինչպիսիք են ֆոլաթթուն, վիտամին B12-ը․․․
  • Ինչ դիրքերով է վտանգավոր քնել Լյու Չունը նաեւ խորհուրդ չի տալիս քնել փորի վրա, քանի որ այս դիրքում տեղի է ունենում պարանոցի ողերի տեղաշարժ, եւ մկանները մնում են լարված: Սա ժամանակի հետ կարող է հանգեցնել պարանոցի սպոնդիլեզի զարգացման եւ գոտկատեղի ցավերի․․․
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։