• Latest news

Դիկլոֆենակը մահացու վտանգավոր են համարել

5 սեպտեմբերի, 2018  14:33

Դիկլոֆենակը կարող է 50 տոկոսով մեծացնել մահացու հիվանդությունների հավանականությունը, ցույց է տվել դանիացի գիտնականների հետազոտությունը: Հետազոտության արդյունքները հրապարակվել են British Medical Journal բժշկական ամսագրի կայքում:

Հետազոտությունն ընդգրկել է Դանիայի 46-49 տարեկան 6,3 մլն բնակիչների: Նրանց բաժանել են 3 խմբի, կախված սրտային հիվանդությունների առաջացման հավանականությունից՝ ցածր, միջին եւ բարձր: Հետազոտության ընթացքում մասնագետները սերտ կապ են հայտնաբերել դիկլոֆենակի կիրառման եւ տարբեր սիրտ-անոթային խնդիրների միջեւ, մասնավորապես՝ առիթմիայի, իշեմիկ կաթվածի, սրտային անբավարարության եւ սրտի նոպայի: Ըստ որում՝ նման բարդություններ են նկատվել դեղի օգտագործման արդեն երեսունօրյա ժամանակահատվածում: Բացասական արդյունք է նկատվել նաեւ նրանց մոտ, ովքեր ընդունել են դեղամիջոցի փոքր դոզաներ:

Գիտնականները համեմատել են նաեւ սրտային հիվանդությունների առաջացման հաճախակիությունը այն հիվանդների շրջանում, ովքեր ընդունել են դիկլոֆենակ եւ այլ ցավազրկողներ: Արդյունքում պարզվել է, որ դիկլոֆենակ ընդունող դանիացիները միջինը սրտի մեկ նոպա ավելի են ունեցել, քան նրանք, ովքեր գործածել են իբուպրոֆեն կամ նապրոկսեն: Դրանից բացի, ցավազրկման համար դիկլոֆենակ օգտագործած հիվանդները երեք անգամ ավելի հաճախ են տառապել սրտային հիվանդություններով, քան պարացետամոլ գործածողները:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի