• Latest news

Երեւանում կանցկացվի Գերիատրիայի առաջին համահայկական միջազգային կոնգրեսը

10 սեպտեմբերի, 2018  14:48

Ինչպես հայտնի է, Հայաստանը հայտնվել է ծերացող հասարակությունների շարքում (ըստ ՄԱԿ-ի Բնակչության հիմնադրամի հետազոտության)։ Այդ պայմաններում առանձնահատուկ կարևորություն է ձեռք բերում տարեցների առողջապահությունը և ծերաբուժության՝ գերիատրիայի կայացումն ու զարգացումը որպես ինքնուրույն գիտաճյուղի։

Հաշվի առնելով այդ հանգամանքն ու ժամանակակից մարտահրավերները՝ Տարեցների առողջության և խնամքի ապահովման ասոցիացիան ՄԱԿ-ի Բնակչության հիմնադրամի հետ համատեղ սույն թվականի սեպտեմբերի 28-29-ը Էրեբունի Պլազայում կազմակերպում է «Գերիատրիայի առաջին համահայկական միջազգային կոնգրեսը», որը մեր երկրում առաջին լուրջ քայլն է ծերաբուժության և ծերաբանության ինստիտուտի զարգացման ճանապարհին։

Կոնգրեսի նպատակն է համախմբել սփյուռքի և օտարերկրյա մասնագետներին, ապահովել փորձի արդյունավետ փոխանակումը, լրացնել այն բացը, որ կա ոլորտի գիտական կյանքում, ինչպես նաև նպաստել տարբեր մասնագիտացումներ ունեցող բժիշկների միջև համագործակցության ամրապնդմանն ու ընդլայնմանը։

Կոնգրեսը հավաստագրված է լինելու Առողջապահության նախարարության կողմից և մասնակիցներին շնորհվելու են ՇՄԶ տեսական կրեդիտներ (ՀՀ ԱՆ Առողջապահության ազգային ինստիտուտ): Լսարան՝ թերապևտներ, ընտանեկան բժիշկներ, սրտաբաններ, նյարդաբաններ։

ՍԵԿՑԻԱՆԵՐ

▶ «Համակցված հիվանդություններ և գերիատրիկ համախտանիշ»

համանախագահողներ` պրոֆ. Միքայել Զաքարի Նարիմանյան և Լամարա Աշոտի Մանուկյան

▶ «Օնկոգերիատրիա»

համանախագահողներ` պրոֆ. Գրիգոր Խաչատուրի Բադալյան և Արտեմ Վյաչեսլավի Ստեփանյան

▶ «Գերիատրիկ ֆարմակոթերապիայի առանձնահատկությունները»

համանախագահողներ՝ պրոֆ․ Նարինե Ռուբենի Միրզոյան և Վահե Սամվելի Մելիքսեթյան

▶ «Կնոջ և տղամարդու առողջություն»

համանախագահողներ` պրոֆ․ Երվանդ Սերգեյի Հարությունյան և Իննա Գեորգիի Պերսոյան

▶ «Սիրտ-անոթային հիվանդությունները գերիատրիայում»

համանախագահողներ՝ պրոֆ․ Պարունակ Հարությունի Զելվեյան, Լամարա Աշոտի Մանուկյան

▶ «Նեյրոդեգեներատիվ հիվանդություններ և կոգնիտիվ խանգարումներ»

համանախագահողներ` Սամսոն Գաբրիելի Խաչատրյան և Էլեն Արայիկի Մխիթարյան

Կոնգրեսի ծրագրին կարելի է ծանոթանալ այստեղ։

 

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի