• Latest news

Հայաստանում առավել հասանելի բժշկության պոտենցիալ կա – ռուսաստանցի բժիշկ

23 մայիսի, 2014  19:26

Հայաստանում օրթոպեդիայի եւ վնասվածքաբանության մակարդակը բավական բարձր է եւ չի զիջում միջազգային մակարդակին, համարում է «Ածխահատների առողջության պահպանության գիտակլինիկական կենտրոնի» տնօրեն, պրոֆեսոր Վահրամ Աղաջանյանը։ Սակայն, ինչպես նա նշեց NEWS.am Medicine-ի թղթակցի հետ զրույցում, առողջապահության կազմակերպումը Հայաստանում որոշակիորեն տարբերվում է այլ երկրներից։

«Հայաստանում առավել հասանելի բժշկության զարգացման պոտենցիալ կա՝ թե ֆինանսական առումով, թե բժիշկների եւ հիվանդանոցների քանակի առումով», - ասաց նա։

Վահրամ Աղաջանյանի կարծիքով, Հայաստանում բժիշկներն իրենց պրոֆեսիոնալիզմով չեն զիջում զարգացած երկրների բժիշկներին։ «Բժշկությունը շատ պահպանողական գիտություն է եւ բավական դանդաղ է զարգանում, այնպես որ մասնագետները հասցնում են շփվել միմյանց հետ եւ ծանոթանալ նորագույն տեխնոլոգիաներին», - ասաց նա։

Վահրամ Աղաջանյանը Հայաստան է ժամանել՝ այստեղ կազմակերպված վնասվածքաբանների եւ օրթապեդների VI համագումարին մասնակցելու համար։ Ըստ նրա՝ նման համագումարները շատ կարեւոր են երիտասարդ օրթոպեդների եւ վնասվածքաբանների համար, քանի որ հնարավորություն են տալիս փորձով փոխանակվել եւ կատարելագործվել։

Ի դեպ, Սպիտակի երկրաշարժից հետո պրոֆեսոր Աղաջանյանը իր թիմի հետ միասին Հայաստան էր եկել եւ մեկ ամիս շարունակ օգնում էր երկրաշարժից տուժածներին։

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի