• Latest news

Կարել են 67-ամյա տղամարդու՝ դժբախտ պատահարի հետեւանքով անդամահատված ձեռքը (ֆոտո)

11 դեկտեմբերի, 2018  14:34

Աշխատանքի ժամանակ դժբախտ դեպքի հետեւանքով Ճապոնիայից 67-ամյա տղամարդը զրկվել էր ձեռքից, ձեռքը կտրվել էր նախաբազկի շրջանում:

Նրան տեղափոխել են մոտակա հիվանդանոցներից մեկը, որտեղից՝ Shonan Kamakura General Hospital կլինիկա, որը գտնվում է 70 կմ հեռավորությամբ այն վայրից, որտեղ տեղի էր ունեցել դժբախտ դեպքը:

Դժբախտ դեպքից հետո 1 ժամ 54 րոպե անց հիվանդը, ում անունը չի հրապարակվում, արդեն վիրահատարանում էր: Վիրաբույժների խումբը՝ բժիշկ Նաոկի Յոսիդայի ղեկավարությամբ կարողացել է կարել անդամահատված ձեռքը. նրանք ստիպված էին միացնել արյունատար անոթները, նյարդերը, մկանները եւ ջլերը, ձեռքի միջից հեռացնել մետաղական բեկորները, որ մնացել էին մեքենայից: Մասնագետները մետաղական դետալներով միացրել են ոսկորի երկու մասերը՝ այս միջամտությունը կոչվում է օստեոսինթեզ:

Առաջին վիրահատությունից հետո 4 օր անց բժիշկները վերականգնել են ձեռքի մաշկը եւ փափուկ հյուսվածքները՝ մաշկի եւ մկանների ոչ մեծ կտոր վերցնելով հիվանդի մեջքից:

Ընդամենը 4 շաբաթ հետո տղամարդն արդեն կարողանում էր ձեռքը ծալել, իսկ 10 ամիս անց արդեն կարողանում էր ձեռքը գրեթե նորմալ օգտագործել:

Դեպքի մասին հաշվետվությունը հրապարակվել է BMJ Case Reports ամսագրում: 

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի