• Latest news

Ինչպես սնվել հիփոթիրեոզի դեպքում. 5 գլխավոր կանոն

13 հունվարի, 2019  12:18

Հիփոթիրեոզը Հայաստանում տարածված խնդիր է՝ պայմանավորված վահանագեղձի հորմոնների երկարատեւ, կայուն անբավարարությամբ։ Հիփոթիրեոզի ժամանակ անհրաժեշտ է ընդունել բժշկի կողմից նշանակված դեղերը, ինչպես նաեւ հետեւել սնվելու որոշ կանոնների, որոնք կբարելավեն կյանքի որակը։

  1. Քիչ ճարպեր կերեք

Ճարպոտ մթերքների մեծ քանակությամբ օգտագործումը վատթարացնում է հիփոթիրեոզի ընթացքը, չէ՞ որ մետաբոլիզմի արագությունը պացիենտի օրգանիզմում առանց այդ էլ դանդաղեցված է։ Բացի այդ, յուղալի մթերքները հանգեցնում են ավելորդ քաշի առաջացմանը։ Հիփոթիրեոզի դեպքում խորհուրդ է տրվում սահմանափակել կարմիր մսի, տապակած մթերքների, կարագի, շաքարի, յուղալի կաթի եւ մայոնեզի օգտագործումը։

  1. Կանաչ թեյ խմեք

Կանաչ թեյը կարող է օգնել արագացնելու նյութափոխանակությունը, որը, ինչպես արդեն վերը նշվեց, հիփոթիրեոզի ժամանակ դանդաղում է։ Բացի այդ, կանաչ թեյն օգնում է վերահսկել քաշը։

  1. Շատ ընկույզ կերեք

Ընկույզը սելեն է պարունակում, որը շատ կարեւոր է վահանագեղձի բնականոն գործունեության համար։ Բացի այդ, ընկույզի մեջ շատ օգտակար ճարպաթթուներ կան։ Բայց մի մոռացեք, որ ընկույզի կալորիականությունն էլ է շատ։

  1. Շատ բանջարեղեն կերեք

Բանջարեղենը նույնպես արագացնում է մետաբոլիկ պրոցեսներն օրգանիզմում։ Փորձեք էլ ավելի շատ ընդեղեն ու լոբի օգտագործել, որոնք հարուստ են մկանաթելերով եւ միաժամանակ քիչ կալորիաներ են պարունակում, ինչպես նաեւ խաչածաղկավորներ՝ կաղամբ ու բրոկոլի։

  1. Կերակրացանկում ավելացրեք հակաօքսիդանտներով մթերքներ

Ցանկալի է կերակրացանկում ավելացնել հակաօքսիդանտներ պարունակող մթերքներ՝ գազար, լոլիկ, կարմիր ու դեղին պղպեղներ, ինչպես նաեւ հատապտուղներ։ Մետաբոլիզմի դանդաղումը հանգեցնում է օքսիդատիվ սթրեսի եւ մեծ քանակությամբ ազատ ռադիկալների գոյացման, իսկ հակաօքսիդանտները հարկավոր են հենց դրանց դեմ պայքարելու համար։

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի