• Latest news

Չիպսերը եւ հալած ճարպով տապակած ձուկն ու հավը 13 տոկոսով մեծացնում են վաղաժամ մահվան հավանականությունը

24 հունվարի, 2019  17:30

Չիպսերը եւ հալած ճարպով տապակած ձուկն ու հավը կանանց շրջանում վաղաժամ մահվան հավանականությունը մեծացնում են: Այս մասին նշված է Այովայի համալսարանի գիտնականների հետազոտության մեջ, որը հրապարակվել է British Medical Journal (BMJ) ամսագրում:

Նշվում է, որ օրական այնպիսի մթերքների միայն մեկ չափաբաժինը, ինչպիսին է ֆրի կարտոֆիլը կամ ֆրի հավով սենդվիչը, մահվան հավանականությունը 8 տոկոսով մեծացնում է այլ ճաշատեսակներ գործածողների համեմատությամբ, որոնք հալած ճարպով չեն պատրաստվում: Օրգանիզմի վրա առավել մեծ բացասական ազդեցություն է ունենում ֆրի հավը եւ ֆրի ձուկը:

Պարզվել է, որ օրական տապակած հավի կամ ձկան մեկ կամ մի քանի չափաբաժինը մահվան հավանականությունը մեծացնում է համապատասխանաբար՝ 13 եւ 7 տոկոսով, իսկ կոնկրետ սրտի հիվանդություններից համապատասխանաբար՝ 12 եւ 13 տոկոսով այն մթերքների համեմատությամբ, որոնք չեն տապակվել:

Մինչդեռ, փորձագետների գնահատմամբ՝ ֆրի հավի կամ ֆրի ձկան նույնիսկ փոքր չափաբաժինները կարող են օրգանիզմին վնաս հասցնել:

Իրականացված հետազոտությանը մասնակցել է 50-ից մինչեւ 79 տարեկան 106 966 կին: Դիտարկումների 18 տարում մահացել է 31 558 կին, այդ թվում՝ 9 320-ը՝ սրտի խնդիրների հետեւանքով, 8 358-ը՝ քաղցկեղի եւ 13 880-ը՝ այլ պատճառներով:

Գիտնականները հանգել են այն եզրակացության, որ տապակած կերակուրի հաճախակի գործածումը, հատկապես տապակած հավի եւ տապակած ձկան (կամ կակղամորթների) կանանց շրջանում եղել են սիրտ-անոթային հիվանդությունների հետեւանքով մահվան մեծ հավանականության պատճառը: Փորձագետները ուշադրություն են դարձնում այն հանգամանքին, որ տապակած սնունդը, որպես կանոն, ավելի հարուստ է կալորիաներով, ճարպերով եւ աղով, իսկ չափաբաժինները սովորաբար մեծ են, հատկապես պատվիրված սնունդի դեպքում:

Ուշագրավ է, որ ֆրիի սիրահար կանայք, որպես կանոն, պակաս կրթված են եւ ավելի քիչ եկամուտներ ունեն: Դրանից բացի, տապակած կերակուրի երկրպագուները քիչ են ուտում բանջարեղեն, մրգեր եւ հատիկավոր մթերքներ, ընդ որում՝ օգտագործելով մեծ քանակությամբ քաղցր ըմպելիքներ, աղ, կարմիր եւ վերամշակված միս:

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի