• Latest news

Գիտնականները պարզել են, թե օրվա որ ժամին է մարդը ավելի շատ մտածում ուտելու մասին

30 հունվարի, 2019  18:45

Համեղ սննդի հանդեպ սերը ստիպում է մեզ շատ ժամանակ ծախսել՝ այս կամ այն մթերքի մասին մտածելով: Ինչպես հաղորդում է New York Post-ը՝ վկայակոչելով One Poll-ի անցկացրած հարցումները, ամերիկացիները տարեկան 240 ժամ ծախսում են սննդի մասին մտածելու վրա:


Ուսումնասիրությունն օգնել է պարզել այն ժամանակը, երբ մարդն ավելի շատ է մտածում սննդի մասին: Պարզվում է, որ հենց ժամը 14.41-ին է, որ զգացմունքները սկսում են իշխել մտքի վրա, եւ ինչ-որ համեղ բան ուտելու գայթակղությունն իրական փորձություն է դառնում մարդու համար:


Հարցմանը մասնակցել է, ընդհանուր առմամբ, 2,000 ամերիկացի: 2/3-ը խոստովանել է, որ ամեն օր նույն ժամին ունենում է ինչ-որ բան ուտելու անհաղթահարելի ցանկություն, ընդ որում, 58 տոկոսը նախընտրում է աղիի եւ քաղցրի համադրությունը, իսկ 35 տոկոսը`աղիի եւ կծուի: Բացի այդ, 50 տոկոսն իր սերն է խոստովանել քաղցրեղենի եւ խրթխրթանների հանդեպ:


Ավելի հաճախ հարցվողները երազում էին շոկոլադի մասին՝ 62 տոկոս: Դրան հաջորդել են պանիրը, ելակը, բեկոնը եւ խորովածը: Հարցվածների 67 տոկոսը նշել է, որ ուտելիքի ընտրությունը կախված է իրենց տրամադրությունից: Այսպիսով, տասը կանանցից չորսը սթրեսի դեպքում ուզում է ինչ-որ քաղցր բան ուտել, այն դեպքում, երբ այդպես է տղամարդկանց միայն 29 տոկոսի մոտ: Դրա հետ մեկտեղ, յուրաքանչյուր հինգերորդ տղամարդը տխուր տրամադրության ժամանակ նախընտրում է ինչ-որ կծու բան, իսկ կանանց շրջանում՝միայն 11 տոկոսը:


Հարցման մասնակիցների 37 տոկոսը նշել է, որ համերի նոր համադրություն փորձել են ընկերների շնորհիվ:
Առավել ցանկալի մթերքները.


Շոկոլադ՝ 62 տոկոս
Պանիր՝ 49 տոկոս
Ելակ՝ 39 տոկոս
Բեկոն՝ 38 տոկոս
Խորոված՝ 34 տոկոս
Մեղր՝ 33 տոկոս
Կոկոս՝ 30 տոկոս
Մեղրային մանանեխ `26 տոկոս
Հապալաս՝ 26 տոկոս
Կիտրոն՝ 26 տոկոս
Ամենատարածված համերը
Քաղցր՝ 79 տոկոս
Աղի՝ 54 տոկոս
Կծու՝ 45 տոկոս
Չաբեր համեմունք՝ 40 տոկոս
Ծխեցրած՝ 27 տոկոս

Ամենատարօրինակ համային համադրությունները.
Չիպսերով սպագետի
Շոկոլադ եւ ծովախեցգետին
Իմբիր եւ սխտոր
Բեկոն եւ շաքար
Բեկոն եւ ելակ


Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի