• Latest news

Միլիոնից մեկ դեպք. «թարս ոտքերով» աղջիկը եզակի վիրահատությունից հետո կարող է նորմալ քայլել (ֆոտո)

19 ապրիլի, 2019  09:42
Մեծ Բրիտանիայից Վիկտորյա Կոմադան հազվադեպ պաթոլոգիայով է ծնվել, որը հանդիպում է միլիոնից մեկ դեպքում: Վիկտորյայի մոտ առկա էր բնածին մեծ ոլոքային գեմիմելիա: Գեմիմելիան զարգացման շեղում է, որն արտահայտվում է վերջույթներից մեկի կամ դրա մի մասի բացակայությամբ: Դրա պատճառով աղջկա աջ ոտքը սրունք չուներ, իսկ ձախ ոտքը կարճացված էր:

Երբ ծնողները դիմել են բժշկական խորհրդատվության, ապա 8 մասնագետներ հայտարարել են, որ իրավիճակից միակ ելքը կրկնակի անդամահատումն է: Սակայն Ֆլորիդայից վիրաբույժները համաձայնվել են կատարել բարդ վիրահատություններ, որոնցից մեկով նախատեսվում էր աջ ոտքի ծնկից վերեւ հատում՝ կապված քառագլուխ մկանի փաստացի ամբողջական բացակայության հետ:

Այնուհետեւ ձախ ոտքը տեղադրվել է հատուկ կառուցվածքի մեջ՝ վերջույթն աստիճանաբար երկարացնելու համար: Մի քանի ամիս հետո ձախ ոտքի վրա կատարվել է վերականգնողական վիրահատություն, որից հետո աղջիկը ինքնուրույն տեղաշարժվելու հնարավորություն է ստացել: Վիկտորյան բուժվել է ընդհանուր 9 ամիս:

Հիմա պրոթեզի միջոցով աղջիկը ոչ միայն կարողանում է քայլել, այլեւ սպորտով զբաղվել: Ծնողները խոստովանում են, որ չեն կարողացել արցունքները զսպել, երբ Վիկտորյան կատարել է իր առաջին քայլերը: Փոքրիկը սեպտեմբերին դպրոց է գնալու, եւ մերձավորները հուսով են, որ կվարի սովորական կենսակերպ, չնայած պրոթեզ կրելու անհրաժեշտությանը:

Source: The Daily Mail

Photos: SWNS

 

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի