• Latest news

5 մթերքներ, որոնք նպաստում են զարկերակային ճնշման իջեցմանը

27 ապրիլի, 2019  19:55

Հիպերտոնիան շատ վտանգավոր խնդիր է, որը կարող է հանգեցնել ինսուլտի, ինֆարկտի եւ այլ մահացու վտանգավոր երեւույթների։ Եթե ձեր զարկերակային ճնշումը բարձր է, անպայման պետք է բժշկի վերահսկողության տակ լինեք եւ ընդունեք այն դեղամիջոցները, որոնք նա կնշանակի։ Սակայն դեղորայքային բուժման հետ մեկտեղ կարելի է սննդակարգում ներառել այնպիսի մթերքներ, որոնք օգնում են ճնշումը վերահսկողության տակ պահել։

Բազուկ

Բազուկի հյութը շատ արդյունավետորեն նպաստում է ճնշման իջեցմանը։ Մասնագետները խորհուրդ են տալիս օգտագործելուց առաջ այն որոշ ժամանակ սառնարանում պահել։ Այդպես այն ավելի օգտակար կդառնա։

Բուլղարական բիբար

Կարմիր բիբարը պարունակում է շատ վիտամին C, որը կարեւոր է սրտանոթային համակարգի առողջության պահպանման համար։ Սրտի եւ արյունատար անոթների թաղանթը պարունակում է սպիտակուցի հատուկ տիպ՝ կոլագեն, որը նպաստում է արյունատար անոթների պատերի ամրապնդմանը եւ կանխում է դրանց վնասումը։ Վիտամին C-ն օգնում է օրգանիզմին կոլագեն արտադրել։

Կարտոֆիլ

Կարտոֆիլի մեջ կան անոթների եւ սրտի առողջության պահպանման համար կարեւորագույն միկրոէլեմենտներ՝ կալիում, մագնիում եւ վիտամին C։ Որպեսզի կարտոֆիլը նպաստի ճնշման իջեցմանը, այն պետք է օգտագործել առանց աղի եւ կեղեւով ջեռոցում պատրաստած։ Տապակած կարտոֆիլը ոչ միայն չի օգնում կարգավորել ճնշումը, այլեւ հակառակը՝ կարող է նպաստել դրա բարձրացմանը, հատկապես եթե աղի է։

Նեխուր

Թարմ նեխուրը նվազեցնում է արյան մեջ սթրեսի հորմոնների բաղադրությունը, որոնց ազդեցությամբ տեղի են ունենում անոթային սպազմեր, եւ ճնշումը բարձրանում է։

Լոբազգիներ

Լոբազգիներում պարունակվում է շատ լուծվող բջջանք, մագնիում, կալիում՝ նյութեր, որոնք օգնում են վերահսկել ճնշումը։ Կալիումի բավարար քանակը պաշտպանում է առիթմիայի զարգացումից, նվազեցնում է սրտի ծանրաբեռնվածությունը։ Մագնիումը օգտակար է ճնշման իջեցման համար, քանի որ լիցքաթափող ազդեցություն է թողնում անոթների պատերի վրա։

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի