• Latest news

Ուզու՞մ եք, որ ձեր երեխան բարձր IQ ունենա. հղիության ընթացքում շատ ընկույզ կերեք

8 մայիսի, 2019  21:30

Բարսելոնի գլոբալ առողջապահության ինստիտուտի (ISGlobal) գիտնականները հետաքրքիր բացահայտում են արել. հղիության առաջին եռամսյակում ընկույզների օգտագործումը դրական է ազդում երեխայի կոգնիտիվ կարողությունների վրա: Փորձագետները դա բացատրում են նրանով, որ ընկույզը հարուստ է ֆոլաթթվով եւ անփոխարինելի ճարպաթթուներով, այթ դվում օմեգա-3-ով եւ օմեգա-6-ով:

Մասնագետները պարզել են, որ այն երեխաները, որոնց մայրերն  առաջին եռամսյակի ընթացքում ամեն օր երեք չափաբաժին 30 գր ընկույզ են օգտագործել, ավելի լավ են հանձնել կոգնիտիվ գործառույթների, ուշադրության եւ հիշողության թեստերը:

Ընդհանուր առմամբ հետազոտության մեջ ընդգրկվել է 2200 զույգ մայր եւ երեխա: Սա առաջին նման հետազոտությունն  է, որում դիտարկվել են հղիության ժամանակ սննդի մեջ ընկույզների օգտագործման առավելությունները երկարաժամկետ հեռանկարում երեխայի նյարդային համակարգի զարգացման տեսանկյունից:

Փորձին ներգրավված հղի կանայք առաջին եւ երրորդ եռամսյակում ընկյուզ, նուշ,  գետնընկույզ, մայրու ընկույզներ եւ  պնդուկ են կերել:

Երեխաների զարգացումը գնահատվել է 18 ամսականում, ինչպես նաեւ 5 եւ 8 տարեկանում:

Պարզվել է, որ երեխայի կոգնիտիվ կարողությունների վրա ամենամեծ դրական ազդեցությունն ունեցել է առաջին եռամսյակում ընկույզի օգտագործումը: Խորհուրդ տրվող չափը շաբաթական 30 գ. երեք չափաբաժին ընկույզն է:

Հետազոտության արդյունքները հրապարակվել են European Journal of Epidemiology ամսագրում:

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի