• Latest news

Լողն արդյոք կօգնի՞ օստեոպորոզի դեմ պայքարին. մասնագետի կարծիք

20 մայիսի, 2019  20:08

Այսօր աշխարհում առողջապահության ոլորտի ամենաարդիական խնդիրներից մեկը օստեոպորոզի տարածվածությունն է: ԱՀԿ տվյալներով՝ վնասվածք ստացած կանանց 35 տոկոսը եւ տղամարդկանց 20 տոկոսը կոտրվածքներ ունեն՝ կապված այս հիվանդության հետ:

Իսկ ո՞րն է օստեոպորոզի կանխարգելման լավագույն միջոցը: Վնասվածքաբանության եւ օրթոպեդիայի գիտահետազոտական կենտրոնի մանկաբուժական օրթոպեդիայի բաժանմունքի վարիչ Արա Այվազյանի կարծիքով՝ առավել լավ արդյունքի կօգնեն հասնել պարբերական ֆիզիկական ծանրաբեռնվածությունները:

«Մարդկային օրգանիզմը շատ հետաքրքիր առանձնահատկություն ունի. ծանրաբեռնվածության դեպքում ոսկորներն ավելի են ամրանում, իսկ առանց դրանց սկսում են զառամել ու ծերանալ: Մեծ տարիքում մենք ավելի քիչ ենք շարժվում, ֆիզիկական ակտիվությանն ավելի քիչ ժամանակ ենք հատկացնում: Մինչդեռ օստեոպորոզի լավագույն կանխարգելումը ֆիզկուլտուրան է, այսինքն՝ կայուն ֆիզիկական ծանրաբեռնվածությունը»,- նշում է փորձագետը:

Այվազյանի խոսքով՝ նույնիսկ սովորական կեսժամանոց զբոսանքը կարող է լավ կանխարգելիչ արդյունք ունենալ: «Ոսկրամկանային համակարգի բոլոր խնդիրների լավագույն դեղը լողն է: Սա ծանրաբեռնվածության օպտիմալ տեսակ է, որը մենք խորհուրդ ենք տալիս մեջքի եւ հոդերի խնդիրներ ունեցող մարդկանց: Ջրի մեջ ծանրաբեռնվածություն չկա, իսկ շարժում կա, ինչը թույլ է տալիս արյանը նորմալ շրջանառություն կատարել, իսկ մկաններին եւ ոսկորներին զարգանալ»,- ասում է նա:

Այվազյանի կարծիքով՝ ամենաօպտիմալ տարբերակը շաբաթական 3 անգամ լողով զբաղվելն է:

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի