• Latest news

«Գարդասիլ» պատվաստանյութն անվտանգ է եւ առողջության համար ռիսկեր չի կրում. Վիգեն Սեպիլյան

2 հուլիսի, 2019  16:25

Մարդու պապիլոմա վիրուսի դեմ «Գարդասիլ» պատվաստանյութն անվտանգ է եւ առողջության համար ռիսկեր չի կրում: Այս մասին լրագրողների հետ զրույցում ասաց ԱՄՆ-ից ռեպրոդուկտոլոգ-էնդոկրինոլոգ, Հայ բժիշկների համաշխարհային կոմիտեի (AMIC) նախագահ Վիգեն Սեպիլյանը:

Սեպիլյանը իմունոկանխարգելումն անվանեց բժշկության ոլորտում ամենակարեւոր ձեռքբերումներից մեկը՝ պենիցիլինի հայտնագործության հետ միասին: Նա նշեց, որ ինչպես հակամանէային դեղամիջոցները, այնպես էլ պատվաստանյութերը ամբողջ աշխարհում միլիոնավոր կյանքեր են փրկել: Սրա հետ կապված նա մտահոգություն հայտնեց հակապատվաստումային հիստերիայի կապակցությամբ, որը Հայաստանում թափ է հավաքում: «Սա շատ վտանգավոր է: Հայաստանը փոքր երկիր է եւ պատվաստման միջոցով կարող է լիովին պաշտպանվել մի շարք վտանգավոր հիվանդություններից, այդ թվում՝ նաեւ քաղցկեղից»,- շեշտեց փորձագետը:

Սեպիլյանը նշեց, որ մարդու պապիլոմա վիրուսը կարող է դառնալ քաղցկեղի տարբեր տեսակների զարգացման պատճառ, այդ թվում՝ կոկորդի, մաշկի եւ արգանդի վզիկի: Այսպիսով, պատվաստումը կարող է կանխել չարորակ նորագոյացությունների առաջացումը:

Ինչպես նշվեց, «Գարդասիլի» վնասի եւ վերարտադրողական համակարգի համար դրա վտանգավորության մասին լուրերը իրականությանը չեն համապատասխանում, եւ ոչ մի հետազոտություն չկա, որը կհաստատեր դրա կապը առողջական այս կամ այն խնդիրների զարգացման հետ: Նույնը վերաբերում է նաեւ այլ պատվաստանյութերին, որոնք չեն առաջացնում աուտիզմ եւ այլ հիվանդություններ, որոնցով բնակիչներին սարսափեցնում են հակապատվաստումային շարժման կողմնակիցները:

«Գարդասիլով» պատվաստման վերին շեմը կազմում է 45 տարեկանը, ինչը, Սեպիլյանի տեղեկացմամբ, համապատասխանում է ամերիկացի մասնագետների հանձնարարականներին:

Հետևեք NEWS.am Medicine-ին Facebook-ում և Twitter-ում


  • Այս թեմայով
  • Ինչպե՞ս է քնի պակասն ազդում արտաքինի վրա Արեցոլոյի խոսքով՝ քնի պակասի առաջին նախանշանները կապտուկներն ու աչքերի տակ պարկերն են, որոնք առաջանում են, երբ քնի պակասի հետեւանքով չորացած մաշկը պահում է ջուրը խոնավեցում ապահովելու համար․․․
  • Ի՞նչ կարելի է ուտել քնից առաջ՝ վնաս չհասցնելով առողջությանը Թռչնամիսն օգտակար է, քանի որ պարունակում է տրիպտոֆան՝ ամինաթթու, որն օգնում է արտադրել մելատոնին՝ քունը կարգավորող։ Այդ պատճառով թույլատրելի է նաեւ ուտել փոքր քանակությամբ այդպիսի միս քնից առաջ․․․
  • Ինչ տեղի կունենա սրտի հետ՝ հաճախ էներգետիկներ խմելու դեպքում Այս միացությունները մեծացնում են ուշադրության կենտրոնացումը եւ բարձրացնում են աշխատունակությունը: Սակայն, միաժամանակ, դրանք նյարդային համակարգի արագ հյուծման եւ սրտի աշխատանքի խաթարման պատճառ են դառնում․․․
  • Ինչ կարող է պատմել լեզուն մարդու առողջական վիճակի մասին Լեզվի կարմրությունը եւս մեկ ախտանիշ է, որին պետք է ուշադրություն դարձնել: Լեզուն կարող է կարմրել սթրեսի կամ այնպիսի տարրերի պակասի պատճառով, ինչպիսիք են ֆոլաթթուն, վիտամին B12-ը․․․
  • Ինչ դիրքերով է վտանգավոր քնել Լյու Չունը նաեւ խորհուրդ չի տալիս քնել փորի վրա, քանի որ այս դիրքում տեղի է ունենում պարանոցի ողերի տեղաշարժ, եւ մկանները մնում են լարված: Սա ժամանակի հետ կարող է հանգեցնել պարանոցի սպոնդիլեզի զարգացման եւ գոտկատեղի ցավերի․․․
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ