• Latest news

Սոցիալական ցանցերը նվազեցնում են դեռահասների ինքնագնահատականը եւ դեպրեսիա առաջացնում. հետազոտություն

16 հուլիսի, 2019  23:45

Մոնրեալի համալսարանի եւ Սեն Ժյուսթինի համալսարանի բժշկական կենտրոնի (Կանադա) մասնագետները մատնանշում են սոցիալական ցանցերի բացասական ազդեցությունը դեռահասների հոգեկանի վրա։ Համաձայն JAMA Pediatrics ամսագրում հրապարակված հետազոտության, դրանք իջեցնում են թինեյջերների ինքնագնահատականը՝ դրանով իսկ դեպրեսիա առաջացնելով։

Գիտնականներն ուշադրություն են դարձնում այն հանգամանքին, որ հոգեկան խանգարման առաջացման նախադրյալ է դառնում այն, որ սոցիալական ցանցերում դեռահասները տեսնում են ավելի բարեկեցիկ հասակակիցների կերպարներ։ Նրանց կարծիքը հաստատում է բազմամյա հետազոտությունը, որին մասնակցել է 12-16 տարեկան մոտ 4 հազար թինեյջեր։ Փորձարկվողները պետք է կանոնավորապես տեղեկացնեին այն մասին, թե որքան ժամանակ են կորցնում հեռուստատեսության, համակարգչի եւ սոցիալական ցանցերի վրա, ինչպես նաեւ պատմեին իրենց հոգեվիճակի մասին։

Պարզվել է, որ դեպրեսիայի առաջացման ախտանշանները խորացել են այն ժամանակի ավելացմանը հավասարաչափ, որը դեռահասները ծախսել են սոցիալական ցանցերի եւ հեռուստահաղորդումների դիտման վրա։ Բանն այն է, որ ԶԼՄ-ներում եւ սոցցանցերում նրանք հաճախ տեսնում են իրենց ավելի բարեկեցիկ եւ երջանիկ հասակակիցների կերպարներ, որոնք ավելի հետաքրքիր ու հագեցած կյանք են վարում։

Հատկանշական է, որ գիտնականները չեն հայտնաբերել կապ դեպրեսիայի եւ տեսախաղերի կամ այլ՝ սոցցանցերի հետ չկապված նպատակներով համակարգչի օգտագործման միջեւ։

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի