• Latest news

Գիտնականների մշակումը կարող է փոխարինել համրերի ձայնալարերին

1 օգոստոսի, 2019  10:51

Չինաստանի Ցինհուա համալսարանի գիտնականները մշակել են WAGT յուրահատուկ համակարգ, որը վերարտադրում է խոսքը՝ ըստ կոկորդի շարժումների: WAGT-ը վերծանվում է որպես wearable artificial graphene throat («կրվող արհեստական գրաֆենային կոկորդ»), եւ արտաքուստ նման է մանրաչափ պիտակի (1,5 × 3 սմ):

ACS Nano ամսագրում հրապարակված հոդվածի համաձայն՝ սարքի զգայուն մասը պատրաստված է պոլիվինիլային սպիրտի թաղանթից եւ մաշկին սոսնձվում է սովորական ջրով: Լարերի միջոցով այն միացած է ոչ մեծ սարքին, որը զուգակցում է միկրոհամակարգիչ, ուժեղացուցիչ եւ դեկոդեր: Ուշագրավ է, որ պիտակը գործում է նաեւ որպես բարձրախոս՝ 2 մմ հեռավորությամբ գեներացնելով 75 դեցիբել:

Մեխանիզմի աշխատանքը պարզ է. համակարգը հաշվում է կոկորդի շարժումները, որոնք մարդը կատարում է բառեր արտաբերելիս, եւ այնուհետեւ վերարտադրում է ձայնային ձեւաչափով:

Սարքի միջոցով առայժմ հաջողվել է «հնչեցնել» առանձին բառեր եւ կարճ արտահայտություններ, սակայն գիտնականները մտադիր են շարունակել իրենց հետազոտությունները՝ ավելի զգալի արդյունքի հասնելու համար:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի