• Latest news

Գիտնականները նշել են վաղաժամ տկարամտության անսպասելի նշանի մասին

23 օգոստոսի, 2019  15:20

Միջին տարիքում բարձր  զարկերակային ճնշումը կարող է կապված լինել ուղեղի եւ ավելի հասուն տարիքում կոգնիտիվ գործառույթների վիճակի վատթարացման հետ, պարզել են Լոնդոնի համալսարանական քոլեջի գիտնականները:

The Independent-ը գրում է, որ նոր հետազոտությանը մասնակցել է 502 մարդ: Պարզվել է, որ մարդիկ, որոնց զարկերակային ճնշումը բարձրացել է 43-53 տարեկանում, մեծ հավանականությամբ 70 տարեկանում գլխուղեղի վնասված անոթներ են ունեցել, ինչի հետեւանքով ավելի խոցելի են դարձել դեմենցիայի եւ շատ այլ հիվանդությունների նկատմամբ: Իսկ նրանք, ովքեր 36-43 տարեկանում բարձր արյան ճնշում են ունեցել, տարիքի հետ ուղեղի չափը նվազել է:

Մյուս կողմից այս հետազոտության արդյունքները կապ չեն հայտանբերել հիպերտենզիայի եւ ամիլոիդային սպիտակուցի կուտակման միջեւ (այն Ալցհեյմեր հիվանդության նշան է), ինչպես նաեւ հիշողության կորստի: Սակայն վաղ տարիքում բարձր ճնշումը կարող է վկայել սպիտակ նյութի եւ ուղեղի արյունատար անոթների ախտահարման մասին, որոնք, իրենց հերթին,  կարող են տկարամտություն առաջացնել:

Ըստ գիտնականների՝ զարկերակային ճնշման մոնիթորինգը եւ վերահսկողությունը կարող են օգնել պաշտպանել կենտրոնական նյարդային համակարգը տարիքային փոփոխություններից, այդ թվում տկարամտության զարգացումից:

Նշենք, որ այլ հետազոտթյան համաձայն, խոլեստերինի բարձր մակարդակը կրկնապատկում է 60 տարեկանից բարձր մարդկանց մոտ դեմենցիայի զարգացման վտանգը:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի