• Latest news

Ռուսաստանում տարածվել են Դենգե եւ Զիկա վիրուսները փոխանցող վտանգավոր արեւադարձային մոծակներ

23 օգոստոսի, 2019  13:09

Ռուսաստանի բնակիչներին սպառնում են մահացու արեւադարձային հիվանդություններ:

Ըստ «Իզվեստիա» թերթի՝ համաճարակաբանները երկրի հարավում մոծակների պոպուլյացիայի փոփոխության  լայնածավալ ուսումնասիրություն են կատարել եւ հայտնաբերել են մտահոգիչ միտում. Եգիպտոսից եւ Հարավարեւելյան Ասիայից վտանգավոր միջատները՝ Դենգե, Չիկունգունյա եւ դեղին տենդի վիրուսների փոխանցողները լայն տարածում են գտել ամբողջ Սեւծովյան ափի երկկայնքով եւ Ղրիմում:

Եթե նման մոծակը խայթի թեկուզ մեկ զբոսաշրջիկի, մահաբեր համաճարակը կարող է ընդգրկել ողջ տարածաշրջանը:

Բժիշկները զգուշացնում են, որ հարավային տարածաշրջաններում արդեն գրանցվել են  նաեւ այլ վտանգավոր հիվանդության՝ Արեւմտյան Նեղոսի տենդի բռնկումներ, որը նույնպես փոխանցվում է մոծակների կողմից:

Փորձագետները նշում են, որ հետագայում միջին ջերմաստիճանի աճին զուգընթաց վտանգավոր միջատները կարող են տարածվել ողջ Կենտրոնական Ռուսաստանով:

Ռուս համաճարակաբանները հետազոտել են Կրասնոդարի երկրամասի սեւծովյան ափին բնակվող միջատներին: Պարզվել է, որ այնտեղ տարածվել են երկու տեսակի՝ վտանգավոր արեւադարձային տենդեր փոխանցող  մոծակների պոպուլյացիաները:

Խոսքը Aedes aegypti-ի եւ Aedes albopictus-ի մասին է: Փորձագետների խոսքով՝ հայտնաբերված տեսակները գլոբալ տաքացման հետեւանքով Ռուսաստան են տեղափոխվել Եգիպտոսից եւ Հարավային Ասիայից:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ