• Latest news

Որտե՞ղ է ավելի մեծ սնկային հիվանդությամբ վարակվելու վտանգը. պատմում է մաշկաբանը

5 սեպտեմբերի, 2019  13:08

Միկոզները հիվանդություններ են, որոնք առաջ են գալիս մակաբույծ սնկերից եւ վարակում մարդկանց ու կենդանիներին։ Մաշկաբան Կարեն Վարդանյանը NEWS.am Medicine-ի  թղթակցի հետ զրույցում նշել է այն մասին, թե որտեղ ենք մենք ավելի շատ վտանգում վարակվել այդ հիվանդություններով։

Մասնագետի խոսքով՝ ոտնաթաթերի սնկային վարակներ շատերը ձեռք են բերում լողավազանում։ Բայց, հասկանալի է, ոչ թե ջրում, այլ լողավազանի տարածքում։ Եթե հանդերձարանից մինչեւ լողավազան բոբիկ անցնեք, կարող եք հեշտությամբ սնկային վարակ ունենալ խոնավ հատակից, որտեղ կան սնկերի գոյատեւմանը հարմար բոլոր պայմանները։

Սնկերի մեկ այլ հայտնի աղբյուր են պառկելաթոռները լողավազաններում եւ լողափերին։ Եթե սնկային վարակով մարդը պառկի այդ աթոռներին, նա, ով կօգտվի այդ նույն աթոռից նրանից հետո, կարող է վարակվել, հատկապես եթե պառկելաթոռը փայտից է։ Պլաստմասայե պառկելաթոռները, մասնագետի խոսքով, շատ ավելի անվտանգ են, քանի որ դրանք հեշտ է լվանալ եւ վնասազերծել, բացի այդ, դրանք խոնավություն չեն պահում, ինչպես փայտինները։

Բուն լողավազանում, մաշկաբանի խոսքով, սնկային վարակ ստանալու վտանգը նվազագույնն է, եթե ջուրը ճիշտ է մշակվում եւ քլորացվում։

Ինչ վերաբերում է սնկային վարակի մյուս տարատեսակին՝ հարթ մաշկի կերատոմիկոզներին, դրանցով կարելի է վարակվել այն իրերի հետ շփվելիս, որոնք կրել է նման հիվանդություն ունեցող մարդը։ Օրինակ, եթե խանութում փորձեք հագուստ կամ կոշիկ նման հիվանդություն ունեցող մարդուց հետո, կարող է վարակում տեղի ունենալ։ Ամռանը, շոգին վտանգն ավելի է մեծանում, քանի որ մարդիկ քրտնում են, իսկ խոնավությունը նպաստում է սնկերի գոյատեւմանը։

Ինչպե՞ս պաշտպանվել սնկային ինֆեկցիաներից

Մաշկաբանը խորհուրդ է տալիս լողավազանի տարածքում հագնել ռետինե հողաթափեր՝ բավական բարձր ներբանով, եւ այն ոչ մեկին չտալ հագնելու:

Հյուրանոցում՝ ինչպես համարում, այնպես էլ լոգասենյակում նույնպես պարտադիր հողաթափ հագնել:

Խորհուրդ է տրվում նաեւ անձնական հիգիենային խստորեն հետեւել. թե՛ տանը, թե՛ ցանկացած այլ վայրում օգտվել միայն սեփական սպունգից, սրբիչից, ներքնաշորերից եւ անձնական հիգիենայի այլ առարկաներից: Խորհուրդ չի տրվում որեւէ մեկին, նույնիսկ մերձավորներին հագնելու տալ սեփական հագուստը եւ առավել եւս ներքնաշորը:

Ցնցուղ կամ լոգանք ընդունելուց հետո, եթե անգամ ձեր տանն եք, խորհուրդ է տրվում լոգարանը մաքուր ջրով լվանալ: Նույնիսկ սեփական տանը խորհուրդ է տրվում լոգարան մտնել միայն հողաթափով:

Դրանից բացի, եթե ռիսկի խմբի մեջ եք մտնում (թույլ իմունիտետի կամ այլ պատճառներով վարակվելու հավանականությունը մեծ է), խորհուրդ է տրվում խանութներում հագուստ եւ կոշիկ չփորձել, որը մինչեւ ձեզ փորձել են նաեւ ուրիշ մարդիկ: Իսկ գնած նոր հագուստը եւ ներքնաշորերը խորհուրդ է տրվում նախքան հագնելը լվանալ:

Հետևեք NEWS.am Medicine-ին Facebook-ում և Twitter-ում


  • Այս թեմայով
  • Ինչպե՞ս է քնի պակասն ազդում արտաքինի վրա Արեցոլոյի խոսքով՝ քնի պակասի առաջին նախանշանները կապտուկներն ու աչքերի տակ պարկերն են, որոնք առաջանում են, երբ քնի պակասի հետեւանքով չորացած մաշկը պահում է ջուրը խոնավեցում ապահովելու համար․․․
  • Ի՞նչ կարելի է ուտել քնից առաջ՝ վնաս չհասցնելով առողջությանը Թռչնամիսն օգտակար է, քանի որ պարունակում է տրիպտոֆան՝ ամինաթթու, որն օգնում է արտադրել մելատոնին՝ քունը կարգավորող։ Այդ պատճառով թույլատրելի է նաեւ ուտել փոքր քանակությամբ այդպիսի միս քնից առաջ․․․
  • Ինչ տեղի կունենա սրտի հետ՝ հաճախ էներգետիկներ խմելու դեպքում Այս միացությունները մեծացնում են ուշադրության կենտրոնացումը եւ բարձրացնում են աշխատունակությունը: Սակայն, միաժամանակ, դրանք նյարդային համակարգի արագ հյուծման եւ սրտի աշխատանքի խաթարման պատճառ են դառնում․․․
  • Ինչ կարող է պատմել լեզուն մարդու առողջական վիճակի մասին Լեզվի կարմրությունը եւս մեկ ախտանիշ է, որին պետք է ուշադրություն դարձնել: Լեզուն կարող է կարմրել սթրեսի կամ այնպիսի տարրերի պակասի պատճառով, ինչպիսիք են ֆոլաթթուն, վիտամին B12-ը․․․
  • Ինչ դիրքերով է վտանգավոր քնել Լյու Չունը նաեւ խորհուրդ չի տալիս քնել փորի վրա, քանի որ այս դիրքում տեղի է ունենում պարանոցի ողերի տեղաշարժ, եւ մկանները մնում են լարված: Սա ժամանակի հետ կարող է հանգեցնել պարանոցի սպոնդիլեզի զարգացման եւ գոտկատեղի ցավերի․․․
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։