• Latest news

ՄՊՎ-ի դեմ պատվաստանյութը օգնում է նվազեցնել բերանի խոռոչի ինֆեկցիաների թիվը. հետազոտություն

12 սեպտեմբերի, 2019  09:39

Մարդու պապիլոմա վիրուսի (ՄՊՎ) դեմ պատվաստումն օգնում է նվազեցնել տղամարդկանց բերանի խոռոչի վարակման դեպքերի թիվը: Այս մասին է վկայում National Cancer Institute-ի (ԱՄՆ) մասնագետների նոր հետազոտությունը:

ԱՄՆ-ում այս վիրուսի դեմ աղջիկներին պատվաստում են 2006 թվականից, իսկ տղաների պատվաստումը սկսել են հանձնարարել 2011 թվականից: Հետազոտության հեղինակները պարզել են, որ 2009-2016 թվականներին չպատվաստված տղամարդկանց շրջանում ՄՊՎ-ով օրալ վարակումների թիվը նվազել է ամբողջ 40 տոկոսով: Հետազոտության հեղինակների կարծիքով՝ կանանց շրջանում մասշտաբային պատվաստման շնորհիվ տղամարդիկ նույնպես վիրուսից լավագույնս պաշտպանված են, նույնիսկ եթե իրենք չեն պատվաստվել. եթե կինը ՄՊՎ-ով չի վարակվում, նրա զուգընկերը չի կարող նրանից վարակվել:

Մարդու պապիլոմա վիրուսը ամենատարածված վիրուսներից մեկն է, որը փոխանցվում է սեռական ճանապարհով: ԱՄՆ-ում այս վիրուսով է վարակված ոչ պակաս, քան 80 մլն մարդ: Ընդ որում՝ ՄՊՎ-ն կապված է բազմաթիվ ուռուցքների հետ, ներառյալ շագանակագեղձի, կոկորդի, գլխի եւ պարանոցի, ուղիղ աղիքի եւ արգանդի վզիկի քաղցկեղի հետ:

2006 թվականին ՄՊՎ-ի դեմ պատվաստանյութի լայն ներդրման պահից սկսած 79 երկրներում եւ տարածքներում կազմակերպել են պետպատվերով բնակչության մասշտաբային պատվաստում: ԱՄՆ-ում 11-ից մինչեւ 12 տարեկան աղջիկների համար պատվաստումն առաջարկվում է 6 ամսվա ընթացքում 2 կամ 3 դեղաչափով: Հանձնարարվում է վերջին պատվաստումը կատարել 26 տարեկանից ոչ ուշ: 2011 թվականին հանձնարարական հայտնվեց նույն տարիքային խմբի տղաների պատվաստում անցկացնելու մասին:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի