• Latest news

Երկու քույր տարբեր երկրներում մահացել են նույն օրը նույն ախտորոշումից

19 սեպտեմբերի, 2019  18:20

54-ամյա Ամանդա Ուիլյամսը եւ 57-ամյա Ժաքլինը մահացել են նույն օրը նույն ախտորոշումից։ Ամանդան եւ Ժաքլինը հարազատ քույրեր էին եւ մահվան օրը գտնվում էին տարբեր երկրներում։

Ինչպես ներկայացնում է Metro պարբերականը, սեպտեմբերի 5-ին Ամանդան պատրաստվում էր թռչել անգլիական Շեփշեդ քաղաքից (Լեսթերշիր կոմսություն) գերմանական Ինհոլշտադտ՝ այցելելու Ժաքլինին, որը ծայրահեղ վիճակում գտնվում էր հիվանդանոցում։

Սակայն թռչել նա չհասցրեց. այդ օրը նրա ինքնազգացողությունը վատացավ։ Անգիտակից վիճակում նրան գտել է հերթապահ բուժքույրը եւ փորձել նրան սիրտ-թոքային վերակենդանացում անել։ Ամանդային տարել են Գլենֆիլդի հիվանդանոց եւ միացրել կենսապահովման սարքին։ Բայց շուտով նա մահացել է ուղեղի արնազեղումից։

Այդ նույն օրը Ինհոլշտադտում մահացել է նաեւ Ժաքլինը՝ նույնպես ուղեղի արնազեղումից։

Ամանդայի 34-ամյա դուստրը՝ Քելի Այքենսը, տեղեկացրել է, որ ընտանիքը պայմանավորվել է գերմանական իշխանությունների հետ Ժաքլինի մարմինը տեղափոխել Գերմանիայից եւ նախատեսում է կազմակերպել երկու թաղում։

Հետաքրքիր է, որ քույրերի հարազատները չեն ցանկանում, որպեսզի միջոցառումը տխուր լինի. նրանք ծրագրում են կազմակերպել երաժշտություն եւ պարեր, քանի որ դա կցանկանային Ամանդան եւ Ժաքլինը։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ