• Latest news

Գլոբալ համավարակը առաջին 36 ժամում կսպանի մինչեւ 80 մլն մարդու

20 սեպտեմբերի, 2019  10:37

Առողջապահության համաշխարհային կազմակերպությունը 15 փորձագետներից բաղկացած հատուկ խումբ է ստեղծել, որոնք փորձում են գտնել գլոբալ համավարակին հակազդելու սցենարները՝ ինչ-որ բան, որը կտարբերվեր «խուճապի եւ հերքման խառնուրդից», որին սովորաբար դիմում են քաղաքական գործիչները: Իր աշխատանքի իմաստն այսպես է նկարագրում Նորվեգիայի նախկին վարչապետ Գրո Հարլեմ Բրունտլանը, որը հիմա ղեկավարում է Գլոբալ պատրաստվածության մոնիթորինգի խորհուրդ (ԳՊՄԽ) կոչվող այս խումբը, հայտնում է HighTech+-ը:

Մահացու կոկտեյլը պարզ է՝ ուրբանիզացիա, գլոբալ տաքացում եւ հակասանիտարական վիճակ: Իշխանությունները որոշ չափով լուծում են միայն երրորդ խնդիրը, քաղաքական գործիչներն աստիճանաբար սկսում են գիտակցել երկրորդը: Տեղաշարժ կա, բայց ընդհանուր առմամբ ԳՊՄԽ գնահատման միջոցառումները «բացարձակապես անբավարար» են:

Գլոբալ տաքացման պատճառով արդեն նոր հիվանդություններ են ի հայտ գալիս: Ապագայում դրանք ավելի մեծաթիվ կլինեն եւ ավելի վտանգավոր:

Նոր հիվանդության՝ վարակունակ գրիպի տարածման համար ԳՊՄԽ սցենարները նախատեսում են, որ առաջին 36 ժամում կմահանա մինչեւ 80 մլն մարդ, նշում է Guardian-ը: Մարդկանց մահանալուց բացի, համաշխարհային խուճապը նշանակում է անվտանգության, առողջապահության ազգային համակարգերի կործանում, ինչպես նաեւ տնտեսությանը հասցված չտեսնված վնաս:

Համաշխարհային բանկի եւ ԱՀԿ-ի պատվերով խմբի պատրաստած զեկույցում ընդգծվում է, որ այս վտանգն իրական է եւ տարեցտարի աճում է: «Առողջապահության ոլորտում արտակարգ իրավիճակների հանդեպ համաշխարհային առաջնորդների մոտեցումները չափից ավելի երկար ժամանակ ներկայացրել են խուճապի եւ քամահրանքի ցիկլ,- հայտարարել է Բրունտլանը: - Հիմա եկել է շտապ եւ հետեւողական գործողությունների ժամանակը: Անհրաժեշտ է տեղական, ազգային եւ միջազգային մակարդակներով մեծացնել  ֆինանսավորումը՝ բռնկումների տարածումը կանխելու համար: Առաջնորդները պետք է նախաձեռնեն արտակարգ իրավիճակի դեպքում կառավարությունների եւ հանրության միջեւ պատրաստվածության համակարգման մեխանիզմների ուժեղացման ակտիվ միջոցառումներ»:

Խորհրդի փորձագետները նաեւ չեն բացառում վիրուսային ահաբեկչությունը, երբ համավարակ կհարուցեն ոչ թե կարմրուկի դեմ պատվաստումներն արհամարհելը կամ Աֆրիկայում բռնկումը, այլ որեւէ մեկի դիտավորյալ գործողությունները:

ԱՀԿ ղեկավար Տեդրոս Գեբրեյեսուսը կոչ է անում «տանիքը նորոգել մինչեւ անձրեւը»: Հիվանդությունների անսպասելի բռնկումների դեմ պայքարի ոլորտում առաջընթացն առայժմ չափավոր է. 59 երկրներում ընդունվել են այդպիսի դեպքի համար գործողությունների ծրագրեր, բայց ոչ մի ծրագիրն ամբողջությամբ չի ֆինանսավորվել:

ԱՄՆ-ից մասնագետներն անցյալ տարի գնահատել էին վիրուսները, որոնք ավելի մեծ հավանականությամբ կառաջացնեն գլոբալ համավարակ: Դա, ավելի շուտ, կլինի սովորական մրսածության ազգակիցը՝ հիվանդություն, որը դեռեւս իր հանդեպ հատուկ ուշադրություն չի գրավում:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի