• Latest news

Անգլուհին 3 օր կոմայի մեջ է անցկացրել գազավորված դիետիկ ըմպելիքի մեկ կում խմելուց հետո

9 հոկտեմբերի, 2019  13:04

Անգլուհին 3 օր կոմայի մեջ է անցկացրել դիետիկ սոդա խմելուց հետո եւ տարել է ծանր ալերգիկ ռեակցիա, փոխանցում է Fox News-ը:

Էլիզաբեթ Փերքինսը պնդում է, որ տեղական փաբում սովորական գազավորված ըմպելիք է պատվիրել: Նա տառապում է ասպարտամից ուժեղ ալերգիայով, որը սովորաբար պարունակվում է գազավորված դիետիկ ըմպելիքներում: Փերքինսը պնդում է, որ բարմենին ասել է, թե սովորական գազավորված ըմպելիք է ցանկանում, բայց առաջին կումից հետ զգացել է, որ ինչ-որ բան այնպես չէ: Փերքինսն ասել է, որ սենյակը մթնել է, նա արթնացել է 3 օր հետո հիվանդանոցում:

Ասպարտամը հավանություն է ստացել FDA-ի, ԱՀԿ-ի, Ամերիկյան սրտաբանական ասոցիացիայի, ՄԱԿ Զարգացման ծրագրի եւ Ամերիկյան դիետիկ ասոցիացիայի կողմից: Այդուհանդերձ, ըստ HealthLine-ի՝ ֆենիլկետոնուրիայով (ՖԿՈՒ) տառապող մարդիկ պետք է խուսափեն ասպարտամի գործածումից: ՖԿՈՒ-ով մարդիկ չեն կարող ճիշտ մշակել ֆենիլալանինը, ինչը ասպարտամն անչափ թունավոր է դարձնում:

Դրանից բացի, ասպարտամի նկատմամբ ալերգիկ ռեակցիան կարող է առաջացնել շրթունքների, լեզվի եւ կոկորդի այտուց, եղնջատենդ, մաշկային ցան, քոր, շնչառական ալերգիայի սրացում եւ, հնարավոր է, թքագեղձերի այտուց:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի