• Latest news

Փաթեթավորված պատրաստի սնունդը կարող է քաղցկեղի եւ այլ հիվանդությունների զարգացման հանգեցնել. մասնագետներ

10 հոկտեմբերի, 2019  15:00

Փաթեթավորված պատրաստի սնունդը եւ ֆասթֆուդերը կարող են քաղցկեղի եւ այլ հիվանդությունների զարգացման հանգեցնել, քանի որ դրանցում առկա է պերֆտորոկտանսուլֆոնային թթու (PFAS)՝ զգուշացնում են ԱՄՆ-ի Silent Spring Institute կազմակերպության մասնագետները:

Նրանց խոսքով՝ օգտակար եւ անվտանգ է տնային պայմաններում պատրաստվող սնունդը:

MedicalXpress-ի հաղորդմամբ՝ մասնագետները հետազոտություն են անցկացրել, որին 10 106 մարդ է մասնակցել: Կամավորները պատմել են, թե ինչ են կերել վերջին 24 ժամվա, 7 օրվա, 30 օրվա եւ 12 ամսվա ընթացքում: Նրանք նաեւ արյան նմուշ են հանձնել PFAS-ի հետ կապված տարբեր նյութերի հայտնաբերման համար:

Պարզվել է, որ նրանց օրգանիզմում, ովքեր պատրաստել են տանը, այդ թթվի պարունակությունն ավելի քիչ է եղել: Ընդ որում, մթերքների 90%-ը նրանք գնել են սովորական խանութներում: Եվ, հակառակը, նրանց օրգանիզմում, ովքեր ֆասթֆուդ են օգտագործել կամ հաճախ ռեստորաններում սնվել, տվյալ վնասակար քիմիական նյութերի քանակը մեծ է եղել: Դա նշանակում է, որ արագ պատրաստման սնունդը աղտոտվում է փաթեթավորման վրա առկա նյութերով:

Հայտնի է նաեւ, որ PFAS-ն առաջացնում է քաղցկեղ, վահանաձեւ գեղձի հիվանդություններ, իմունիտետի ճնշում, ծնելիության ցածր քաշ եւ անպտղություն: Մեծ քանակությամբ նման նյութեր են պարունակվում միկրոալիքային վառարանում պատրաստվող պոպկորնի փաթեթներում:  

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի