• Latest news

Գիտնականները գտել են կրծքագեղձի քաղցկեղի հաղթահարմանն օգնող բջիջներ

12 հոկտեմբերի, 2019  12:45

Ֆրենսիս Կրիկի ինստիտուտի եւ Լոնդոնի Թագավորական քոլեջի գիտնականները մարդու կրծքագեղձի հյուսվածքներում հայտնաբերել են իմունային բջիջների յուրահատուկ տեսակ: Մարդիկ, ում մոտ այս բջիջները շատ են, կրծքագեղձի քաղցկեղի դեպքում, ամենայն հավանականությամբ, ողջ կմնան:

MedicalXpress-ում հրապարակված մամուլի հաղորդագրության մեջ նշված է, որ խոսքը գամմա-դելտա-T բջիջների յուրահատուկ ենթատեսակի մասին է, որոնց առկայությունը կապված է կրծքագեղձի եռակի բացասական քաղցկեղով պացիենտների մոտ  հիվանդության ռեմիսիայի հետ: Գամմա-դելտա-T բջիջները հատուկ բջիջներ են, որոնք նախապես հայտնաբերում էին մարդու աղիներում եւ մաշկում:

Նշենք, որ ամեն տարի ախտորոշվում է կրծքագեղձի քաղցկեղի մոտ 55 հազար նոր դեպք, որոնց մոտ 15 տոկոսը եռակի բացասական է: Սա ուռուցքների անչափ ագրեսիվ տարատեսակ է, որը չի արձագանքում հորմոնային թերապիային, իսկ քիմիաթերապիան դրա զարգացումը զսպում է կարճ ժամանակահատվածում:

Գիտնականների խոսքով՝ հայտնագործությունը կօգնի նոր մեթոդների մշակմանը, որոնք մեծացնում են պացիենտների ապրելիության եւ առողջանալու հնարավորությունները: Ուռուցքների դեմ պայքարի համար կարելի է արհեստականորեն խթանել գամմա-դելտա-T բջիջների արտադրումը կամ դրանք փոխպատվաստել դոնորի հյուսվածքներից:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի