• Latest news

Ինսուլտի զարգացմանը նպաստող 5 թերագնահատված գործոն

4 նոյեմբերի, 2019  22:30

Շատերը գիտեն, որ ծխելը, հիպերտոնիան, ճարպակալումը, դիաբետն ու առիթմիան նպաստում են ինսուլտի զարգացմանը: Սակայն կան ռիսկի այլ գործոններ, որոնց մասին քչերը գիտեն:

Արտաժամյա աշխատանքը

Արտաժամյա աշխատանքը լուրջ վտանգ է ներկայացնում ոչ միայն առողջության, այլ նաեւ կյանքի համար: Ըստ հետազոտությունների՝ մարդկանց մոտ, որոնք շաբաթական ավելի քան 55 ժամ են աշխատում, 33%-ով մեծ է ինսուլտի ռիսկը, քան նրանց մոտ, ովքեր շաբաթական 40 ժամ են աշխատում:

Քաղցր ըմպելիքները

Քաղցր գազավորված ըմպելիքները ռիսկի մեկ այլ լուրջ գործոն են: Հետազոտությունները ցույց են տվել, որ մարդկանց մոտ, որոնք օրական 2 շիշ քաղցր գազավորված հյութ են խմում, գրեթե 3 անգամ մեծ է վաղ մահվան եւ ինսուլտի ռիսկը, քան նրանց մոտ, ովքեր նման հյութեր չեն խմում: Բացի այդ, կանանց մոտ, ովքեր նման հյութեր են խմում, մեծ է թրոմբների եւ սրտանոթային հիվանդությունների զարգացման ռիսկը:

Քաշի տատանում

Քաշի տատանումը եւս վտանգավոր է առողջության համար: Մարդկանց մոտ, որոնք նիհարում են, ապա գիրանում, ինսուլտի ռիսկը մեծ է 41%-ով՝ ի տարբերություն նրանց, որոնք կայուն քաշ ունեն:

Գրիպ

Գրիպի պատճառով հոսպիտալացումից 15 օր անց ինսուլտի ռիսկը 40%-ով ավելի մեծ է: Այդ պատճառով գրիպը հատուկ ուշադրություն եւ զգուշություն է պահանջում:

Աղմուկ

65 տարեկանից մեծ մարդկանց մոտ ինսուլտի ռիսկը հավասար է նրանց բնակավայրի աղմուկի մակարդակին: 10 դեցիբել ուժգնությամբ աղմուկի դեպքում ինսուլտի հավանականությունն աճում է 27%-ով:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի