• Latest news

Բնական յոգուրտը կարո՞ղ է պաշտպանել կրծքագեղձի քաղցկեղից

25 հունվարի, 2020  16:30

Լանքասթերի համալսարանի գիտնականները պարզել են, որ քաղցկեղի ամենատարածված տեսակներից մեկի՝ կրծքագեղձի քաղցկեղի պատճառներից մեկը բակտերիաներն են, որոնք բորբոքում են առաջացնում: Որպես կանխարգելման հեշտ միջոց մասնագետները կանանց խորհուրդ են տալիս ամեն օր բնական յոգուրտ ուտել՝ առանց շաքարի եւ բուրավետիչների հավելման:

MedicalXpress-ը հայտնում է, որ հունական բնական յոգուրտը պարունակում է լակտոզան ֆերմենտացնող օգտակար բակտերիաներ, որոնք սովորաբար հանդիպում են կաթի մեջ եւ նման են բակտերիաներին, որոնք կարելի է հայտնաբերել կանանց կրծքագեղձերում կրծքով կերակրելու ժամանակ կամ կրծքով կերակրելուց հետո որոշակի ժամանակահատվածում: Կարծիք կա, որ այս բակտերիաները պաշտպանական հատկություններ ունեն, քանի որ կրծքով կերակրելը քաղցկեղի զարգացումը 4,3 տոկոսով նվազեցնում է:

Միանգամից մի քանի հետազոտություններ ցույց են տվել, որ յոգուրտի գործածումը կապված է կրծքագեղձի քաղցկեղի զարգացման հավանականության նվազման հետ: Սա կարող է տեղի ունենալ այն պատճառով, որ վնասակար միկրոօրգանիզմներին դուրս են մղում օգտակար բակտերիաները: Ախտածին միկրոֆլորան թույներ է արտադրում, որոնք քրոնիկական բորբոքումներ են առաջացնում եւ չարորակ հիվանդությունների զարգացում, իսկ միկրոֆլորայի կարգավորումը պաշտպանում է այս բոլոր պրոցեսներից:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։