• Latest news

Գիտնականները մարդու օրգանիզմում էֆեկտիվ պաշտպանություն են գտել քաղցկեղից

7 փետրվարի, 2020  23:47

Գերմանական Օսնաբրյուկի համալսարանի եւ ամերիկյան Սանտա-ֆեի ինստիտուտի գիտնականները պարզել են, թե ինչ մեխանիզմներ կան կենդանի օրգանիզմներում, այդ թվում նաեւ` մարդու, որոնք բջիջներին թույլ չեն տալիս քաղցկեղային դառնալ:

Ինչպես հաղորդվում է MedicalXpress կայքում տեղադրված հաղորդագրության մեջ, հետազոտողներին հաջողվել է բացահայտել երկու հիմնական պատճառ, որոնք քաղցկեղային բջիջներին խանգարում են օգտվել մարմնի ռեսուրսներից`արագ տարածման համար: Դրանց թվում են աճի գործոնների արտադրության ծախսերը, ինչպես նաեւ` առավելությունների շրջանակը, որոնք ստանում են հարեւան բջիջները:

Այլ կերպ ասած, մուտանտային քաղցկեղային բջիջների եւ սովորական առողջ բջիջների միջեւ մրցակցություն գոյություն ունի. երբ մուտանտային բջիջ է հայտնվում և սինթեզում է ուռուցքի հետագա զարգացման համար անհրաժեշտ աճի գործոնները, հարևան բջիջները եւս ռեսուրսներ են ստանում, ինչի շնորհիվ միայնակ մուտանտային բջիջները կորցնում են առավելությունը եւ չեն կարողանում մեծ արագությամբ բազմապատկվել:

Սակայն, եթե քաղցկեղային ուռուցքը հասնում է որոշակի կրիտիկական չափի, ապա սկսում են գերակայել մյուս մեխանիզմները, որոնք նպաստում են ուռուցքի հետագա աճին, եւ, այսպես կոչված, պաշտպանիչ մեխանիզմներն արդեն դադարում են աշխատել նախկինի պես:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։