• Latest news

Հայազգի բժիշկը փրկել է 11-ամսական աղջկան, որի կերակրափողում բանալի էր խցանվել

12 փետրվարի, 2020  10:40

Նովոռոսիյսկից 11-ամսական աղջկա կերակրափողում բանալի էր խցանվել. այն դուրս բերելու համար ստիպված էին վիրահատություն անցկացնել, որը կատարել է № 1 քաղաքային հիվանդանոցի բժիշկ-էնդոսկոպաբան Դավիթ Շահինյանը:

Ինչպես հայտնում է «Новороссийский рабочий» պարբերականը, աղջկան հիվանդանոց են բերել ուշ երեկոյան, եւ նա իրեն անհանգիստ էր պահում, ամբողջ ժամանակ ձեռքը տանում էր կոկորդին: Ռենտգենով նրա կերակրափողում օտար մարմին է հայտնաբերվել:

Այն դուրս բերելու համար ստիպված էին անցկացնել էնդոսկոպիկ վիրահատություն:

«Որոշ դեպքերում օտար առարկան կարելի է հանել 5 րոպեում, բայց այս դեպքում բարդություններ կային,- ասել է բժիշկ Շահինյանը: - Վիրահատությունը կատարվում է համակցված անզգայացմամբ: Այսպիսի փոքր երեխայի մոտ կողմնակի իրը հանելու համար օգտագործվում է ուլտրաբարակ մանկական էնդոսկոպ»:

Վիրահատությունը տեւել է շուրջ 30 րոպե: Բժիշկը ստիպված էր բանալին նախ իջեցնել փոքրիկ պացիենտի ստամոքս, որ այն բռնելը հարմար լինի: Բայց բանալին դուրս բերելը հեշտ չէր, քանի որ կերակրափողում կան նեղացումների երեք գոտիներ, եւ վերջինով բանալին ոչ մի կերպ չէր անցնում՝ ցած էր սահում: Այն պետք էր դուրս բերել խնամքով՝ կերակրափողը չվնասելու համար:

Բժիշկ Շահինյանը ծնողներին խորհուրդներ է տվել, որոնք անգամ կարող են չկասկածել, որ իրենց փոքրիկը օտար մարմին է կուլ տվել.

«Եթե երեխան լալիս է, անհանգստություն դրսեւորում, ուտելուց հրաժարվում է, սա բժշկին դիմելու կամ շտապ օգնություն կանչելու պատճառ է: Ծնողներն այս դեպքում ճիշտ էին վարվել, ուստի փոքրիկին ժամանակին է բուժօգնություն ցուցաբերվել: Պարզաբանեմ, որ կերակրափողում օտար մարմնի այդպիսի խցանումը վտանգավոր է նրանով, որ կարող է առաջացնել պառկելախոց, իսկ հետեւաբար՝ հետագայում նաեւ խոց: Խոցի ապաքինման ժամանակ տեղի է ունենում հյուսվածքի սպիացում, ինչն առաջացնում է լուսանցքի նեղացում, այսպես կոչված՝ կերակրափողի ստենոզ: Իսկ դա նշանակում է, որ մարդը մնացյալ ամբողջ կյանքի ընթացքում դժվարություններ է ունենալու կերակրափողով սնունդ անցնելիս: Ուշադիր եղեք, հետեւեք ձեր երեխաներին, աշխատեք նրանց չտալ խաղալու մանր առարկաներ, որոնք նրանք կարող են կուլ տալ»:

Հետևեք NEWS.am Medicine-ին Facebook-ում և Twitter-ում

loading...

 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։