• Latest news

Գիտնականները ԲՑԺ պատվաստման եւ կորոնավիրուսի միջեւ կապ են գտել․ medRxiv

31 մարտի, 2020  20:45

ԱՄՆ-ից համաճարակաբանները ԲՑԺ-ի՝ տուբերկուլյոզի դեմ պատվաստման եւ կորոնավիրուսով վարակվելու նվազման մեջ անսպասելի կապ են գտել։ Նրանց հետազոտությունների արդյունքները հրապարակվել են medRxiv կայքում։

Գիտնականները ուշադրություն են դարձրել, որ այն երկրներում, որտեղ ԲՑԺ-ն չի կիրառվում, ամենաշատն են տուժել COVID-19-ից։ Նրանք վերլուծել են կորոնավիրուսային վարակով հիվանդացության տվյալները ԱՄՆ-ում, Իրանում, Իտալիայում, Բելգիայում, Նիդեռլանդներում եւ եվրոպական այլ երկրներում, որտեղ կամ երբեք չի կիրառվել ԲՑԺ պատվաստումը, կամ համեմատաբար վերջերս է սկսել կիրառվել։ Այդ երկրներում կորոնավիրուսով հիվանդացության մակարդակը, պարզվել է, 4 անգամ ավելի բարձր է, քան միջինը աշխարհում։ Ավելին, մահացածության ցուցանիշները այդ երկրներում նաեւ գերազանցել են այլ երկրների տվյալներին։

Հետազոտության հեղինակները նաեւ նշել են, որ այն երկրներում, որտեղ բնակչությունը պատվաստվում է տուբերկուլյոզի դեմ, մահացածության առավել ցածր մակարդակ է դիտարկվում։ Դա ակնհայտ է Բրազիլիայի օրինակով։

Գիտնականները ենթադրում են, որ ԲՑԺ-ի պատվաստանյութը կարող է դառնալ կորոնավիրուսի դեմ պայքարի գլխավոր գործիքներից մեկը։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։