• Latest news

Ի՞նչ մենք դեռեւս չգիտենք կորոնավիրուսի մասին

5 ապրիլի, 2020  16:46

Չնայած բազմաթիվ գիտնականներ այսօր զբաղվում են նոր կորոնավիրուսի ուսումնասիրմամբ, մի շարք հարցեր դեռեւս մնում են անպատասխան։ Ահա դրանցից միայն մի քանիսը:

1. Քանի մարդ է վարակվել COVID-19-ով

Աշխարհում կորոնավիրուսային վարակի հաստատված դեպքերի թիվն արդեն վաղուց գերազանցել է մեկ միլիոնը։ Սակայն կան նաեւ բազմաթիվ մարդիկ, որոնց մոտ հիվանդությունն ընթանում է առանց ախտանշանների եւ որոնք անգամ չեն կասկածում, որ վարակված են։ Այդպիսի քանի՞ մարդ կա։ Այդ հարցի պատասխանը ոչ ոք չունի։ Ավստրալիայի գլխավոր բժիշկ Բրենդան Մերֆին, օրինակ, համարում է, որ ներկայումս վարակվածների թիվը 5-10 անգամ գերազանցում է այսօրվա դրությամբ մեզ հայտնի թվին։

2. Որքանո՞վ է կորոնավիրուստ մահացու

Կորոնավիրուսային վարակի մահացության մակարդակի մասին կան տարբեր տվյալներ։ Տվյալ պահին հայտնի է, որ մահանում է կորոնավիրուսով վարակված մարդկանց շուրջ 1 տոկոսը։ Սակայն եթե կա առանց ախտանշանների հիվանդների մեծ քանակություն, որոնք գրանցված չեն հիվանդության մասին վիճակագրական տվյալներում, ապա ստացվում է, որ իրականում մահացությունը շատ ավելի փոքր է։ Համաձայն The Lancet Infectious Diseases-ում հրապարակված հետազոտության՝ կորոնավիրուսի հետեւանքով մահացության մակարդակը, ըստ ամենայնի, կազմում է շուրջ 0,66 տոկոս։

3. Ի՞նչ դեր ունեն երեխաները կորոնավիրուսի տարածման հարցում

Համարվում է, որ երեխաների մոտ կորոնավիրուսի պատճառով բարդությունների հավանականությունը շատ փոքր է, սակայն չի բացառվում, որ երեխաները կարող են լինել վարակը փոխանցողներ։ Այսպես, թե այնպես, տվյալ պահին չկան ապացույցներ, որ երեխաները նշանակալի դեր են խաղում կորոնավիրուսի տարածման հարցում, չկան նաեւ ապացույցներ, որ երեխաները պաշտպանված են հիվանդություն հետեւանքով առաջացող հետեւանքներից։ Վերջերս Ֆրանսիայում, օրինակ, 16-ամյա աղջիկ է մահացել կորոնավիրուսից՝ չնայած նա առողջ էր եւ չուներ քրոնիկական հիվանդություններ։

4. Կնահանջի՞ արդյոք կորոնավիրուսն ամռանը

Այդ հարցին դեռեւս նույնպես պատասխան չկա։ Հարբուխն ու ՍՇՎՎ-ն ավելի հաճախ են տարածվում ձմռան ամիսներին, սակայն հայտնի չէ՝ կազդի արդյոք տաքացումը կորոնավիրուսի տարածման վրա։ Դեռեւս հարկ է նշել, որ տաք երկրներում կորոնավիրուսն այսօր եւս տարածված է՝ չնայած, հնարավոր է, այն ավելի քիչ տարածում ունի, քան մյուս երկրներում։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ