• Latest news

Կորոնավիրուսը հարձակվում է ոչ միայն թոքերի, այլեւ մյուս օրգանների վրա. գիտնականներ

15 մայիսի, 2020  11:35

Էպենդորֆում համբուրգյան համալսարանական կլինիկայի (UKE) գիտնականները SARS-CoV-2 վիրուսի մասնիկներ են գտել պացիենտների երիկամներում, սրտում, լյարդում եւ գլխուղեղում: Սա կարող է բացատրել COVID-19-ի ախտանիշների լայն սպեկտրը:

Նշված գիտնականների հետազոտության մեջ հաղորդվում է, որ մարդու օրգանիզմում հայտնվելով՝ SARS-CoV-2 կորոնավիրուսը հարձակվում է ոչ միայն թոքերի, այլեւ մյուս օրգանների վրա:

Միկրոկենսաբանության հետազոտությունների շրջանակում դատաբժշկական փորձագետները վերլուծել են COVID-19-ի 27 զոհերի դիահերձման արդյունքները: Վիրուսային մասնիկների ամենամեծ խտությունը հայտնաբերվել է շնչառական համակարգում: Բայց SARS-CoV-2-ի հետքեր են գրանցվել երիկամներում, սրտում, լյարդում, գլխուղեղում եւ արյան մեջ:

Հետազոտության ղեկավար, պրոֆեսոր Տաբիաս Հուբերը նշել է, որ մասնագետները կորոնավիրուսային ինֆեկցիայով պացիենտներին բուժելիս պետք է ուշադրություն դարձնեն մյուս օրգանների հնարավոր ախտահարմանը:

Գիտնականների խոսքով՝ մի քանի օրգաններում վիրուսի առկայությունը կարող է բացատրել ախտանիշների լայն սպեկտրը, որոնք ի հայտ են գալիս վարակվելու դեպքում: Սա կարող է նաեւ բացատրել COVID-19-ով պացիենտների մոտ երիկամային անբավարարության չափազանց բարձր հաճախությունը:

Գիտնականները ստացած տվյալների լույսի ներքո խորհուրդ են տալիս մեզի անալիզ կատարել հիվանդության ամենասկզբում՝ պարզելու համար, թե արդյոք պացիենտն ունի երիկամների հետ կապված խնդիրներ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ