• Latest news

Որ մթերքներն են մեծացնում օրգանիզմի կենսաբանական տարիքը

21 մայիսի, 2020  09:46

Որոշ մթերքներ մեծացնում են բջիջների ծերացման արագությւունը։ Այս մասին նախազգուշացնում են Նավարայի համալսարանի գիտնականները։

Ինչպես նշում է «ՌԻԱ Նովոստի»-ն, նման մթերքների թվին են պատկանում հացաբուլկեղենը եւ սնեքները, գազավորված ըմպելիքները, տարատեսակ աղանդերները, եգիպտացորենի շաքարային փաթիլները, կիսաֆաբրիկատները եւ վերամշակված մսամթերքները։ Բոլոր այս մթերքները համարվում են ուլտրամշակված։

Նման մթերքներն ունեն կոնսերվանտների եւ ներկերի, շաքարի, ճարպի եւ աղի բարձր պարունակություն, իսկ, ահա, վիտամիններ եւ բջջանյութ դրանց մեջ շատ քիչ կա։ Գիտնականների կարծիքով՝ այդպիսի մթերքների հանդեպ սերը սպառնում է արագ ծերացմամբ։ Բանն այն է, որ դրանց մշական օգտագործումը կրճատում է թելոմերները՝ քրոմոսոմների ծայրային հատվածները, որոնք կրճատվում են բջիջների բաժանման յուրաքանչյուր ցիկլի հետ, եւ վկայում են օրգանիզմի կենսաբանական տարիքի մասին։ Որքան երկար են թելոմերները, այնքան երիտասարդ է օրգանիզմը։

Տարիքի հետ թելոմերները անխուսափելիորեն կարճանում են, սակայն որոշ արտաքին գործոններ նպաստում են դրանց արագ կարճացմանը։ Այդ գործոնների թվում է նաեւ սնունդը։ Կատարվել է փորձ՝ 57-91 տարեկան 886 մարդու մասնակցությամբ, որոնց մոտ ուսումնասիրել են սննդակարգի եւ թելոմերների երկարության կապը։

Պարզվել է, որ օրական ավելի քան երեք բաժին ուլտրամշակված մթերքներ օգտագործող մարդկանց մոտ երկու անգամ բարձրացել է թելոմերների կարճացման ռիսկը։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ