• Latest news

Թաղման արարողությունները կարող են նպաստել կորոնավիրուսի տարածմանը․ մասնագետ

25 մայիսի, 2020  18:56

Զանգվածային միջոցառումները, այդ թվում թաղման արարողությունները կարող են նպաստել կորոնավիրուսի տարածմանը, նույնիսկ եթե հանգուցյալը կորոնավիրուս չի ունեցել։ Նման կարծիք է արտահայտել ՀՀ Առողջապահության նախարարության «Հիվանդությունների վերահսկման և կանխարգելման ազգային կենտրոն» ՊՈԱԿ-ի վարակիչ հիվանդությունների համաճարակաբանության բաժնի պետ Լիանա Թորոսյանը։

Մասնագետի խոսքով՝ զանգվածային միջոցառումներին եւ թաղման արարողություններին կարող են ներկա գտնվել մարդիկ, ովքեր կորոնավիրուսային վարակ ունեն, սակայն չունեն ախտանիշներ։ Նրանք կարող են վարակել շրջապատի մարդկանց, որոնց թվում կարող են լինել հիվանդության նկատմամբ շատ ավելի խոցելի մարդիկ։ Այս ամենը, մասնագետի խոսքով, կարող է հանգեցնել թե դեպքերի թվի աճի, թե նոր մահվան ելքերի։

Կորոնավիրուսի տարածումը կանխարգելելու համար Լիանա Թորոսյանը խորհուրդ է տալիս հանրային տրանսպորտում եւ փակ տարածություններում դիմակներ կրել, ընդ որում՝ դա անել ճիշտ․ դիմակի մետաղական լարը պետք է լինի դեպի վերեւ, հպված քթի ոսկրային հատվածին, իսկ ամբողջ բերանային հատվածը եւ քիթը պետք է լինեն փակ։ Դիմակը քթի տակից հագնելը, մասնագետի խոսքով, բացարձակապես արդյունավետ չէ։

Հիվանդության կանխարգելման համար նաեւ շատ կարեւոր է ձեռքը հաճախակի լվանալ եւ ախտահանել, ինչպես նաեւ պահել սոցիալական հեռավորություն՝ առնվազն 1․5 մետր։

Տարածների հաճախակի օդափոխությունը, ինչպես նաեւ ինքնուրույն ջերմաչափումները եւս շատ կարեւոր են, նշեց մասնագետը։

Հետևեք NEWS.am Medicine-ին Facebook-ում և Twitter-ում


  • Այս թեմայով
  • Ինչպե՞ս է քնի պակասն ազդում արտաքինի վրա Արեցոլոյի խոսքով՝ քնի պակասի առաջին նախանշանները կապտուկներն ու աչքերի տակ պարկերն են, որոնք առաջանում են, երբ քնի պակասի հետեւանքով չորացած մաշկը պահում է ջուրը խոնավեցում ապահովելու համար․․․
  • Ի՞նչ կարելի է ուտել քնից առաջ՝ վնաս չհասցնելով առողջությանը Թռչնամիսն օգտակար է, քանի որ պարունակում է տրիպտոֆան՝ ամինաթթու, որն օգնում է արտադրել մելատոնին՝ քունը կարգավորող։ Այդ պատճառով թույլատրելի է նաեւ ուտել փոքր քանակությամբ այդպիսի միս քնից առաջ․․․
  • Ինչ տեղի կունենա սրտի հետ՝ հաճախ էներգետիկներ խմելու դեպքում Այս միացությունները մեծացնում են ուշադրության կենտրոնացումը եւ բարձրացնում են աշխատունակությունը: Սակայն, միաժամանակ, դրանք նյարդային համակարգի արագ հյուծման եւ սրտի աշխատանքի խաթարման պատճառ են դառնում․․․
  • Ինչ կարող է պատմել լեզուն մարդու առողջական վիճակի մասին Լեզվի կարմրությունը եւս մեկ ախտանիշ է, որին պետք է ուշադրություն դարձնել: Լեզուն կարող է կարմրել սթրեսի կամ այնպիսի տարրերի պակասի պատճառով, ինչպիսիք են ֆոլաթթուն, վիտամին B12-ը․․․
  • Ինչ դիրքերով է վտանգավոր քնել Լյու Չունը նաեւ խորհուրդ չի տալիս քնել փորի վրա, քանի որ այս դիրքում տեղի է ունենում պարանոցի ողերի տեղաշարժ, եւ մկանները մնում են լարված: Սա ժամանակի հետ կարող է հանգեցնել պարանոցի սպոնդիլեզի զարգացման եւ գոտկատեղի ցավերի․․․
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ