• Latest news

Մասնագետները նկարագրել են կորոնավիրուսի նոր ախտանիշ

19 հունիսի, 2020  21:16

Աչքերի անսովոր կարմրությունը կարող է լինել COVID-19-ի ախտանիշներից մեկը: Այս մասին հաղորդվում է Կանադական ակնաբուժական միության ամսագրում:

Կանադացի մասնագետները հոսպիտալացված 29-ամյա պացիենտի մոտ հայտնաբերել են աչքերի կարմրություն, աչքերից ջրային արտադրություն եւ լույսի հանդեպ վախ: Փետրվարի 29-ին մինչեւ Կանադա վերադառնալը նա մեկ ամիս անցկացրել էր Ֆիլիպիններում եւ մեկ օր՝ Սան Ֆրանցիսկոյում: Մարտի 1-ին նրա մոտ սկսվել է հարբուխ, հազ եւ կոնյունկտիվիտ (շաղկապենու բորբոքում): Պացիենտը տենդից չի բողոքել, չնայած խոստովանել է, որ ջերմիջեցնող դեղամիջոցներ է ընդունել, որոնք կարող էին քողարկել ջերմության ոչ մեծ բարձրացումը:

Մի քանի օր հետո ախտանիշները վատթարացել են, եւ կնոջն ուղարկել են ակնաբուժական կլինիկա: Աչքից արտազատված քսուքի թեստը դրական է եղել՝ առկա էր SARS-CoV-2 նոր կորոնավիրուս:

Ինչպես նշում են հեղինակները, այս դեպքն ապացուցում է, որ անհրաժեշտ է լրացուցիչ միջոցներ ձեռնարկել կորոնավիրուսային ինֆեկցիայի անսովոր ախտանիշների հայտնաբերման ուղղությամբ, որ կանխվի դրա տարածումը: Նրանք թերապեւտներին, ակնաբույժներին եւ մյուս մասնագետներին խորհուրդ են տալիս ուշադրություն դարձնել պացիենտների մոտ կոնյունկտիվիտի վրա՝ հատկապես, եթե նրանք վերջերս են վերադարձել այլ երկրից:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ