• Latest news

Բնակչության 43-տոկոսանոց ընդգրկման դեպքում հավաքական իմունիտետը կարող է կորոնավիրուսին հաղթել. հետազոտություն

25 հունիսի, 2020  10:58

Կորոնավիրուսի տարածմանը խոչընդոտող հավաքական իմունիտետը կարող է մշակվել, եթե բնակչության 43 տոկոսը հաղթահարի COVID-19-ը կամ պատվաստվի: Այսպիսի եզրակացության են հանգել Նոթինգեմի համալսարանի (Մեծ Բրիտանիա) եւ Ստոկհոլմի համալսարանի (Շվեդիա) գիտնականները: Նրանց հետազոտության արդյունքները հրապարակվել են Science գիտական ամսագրում:

Մասնագետները մշակել են մաթեմատիկական մոդել, որը ներառում է բնակչությանը տարիքային խմբերի բաժանելը եւ արտացոլում է նրանց սոցիալական վարքագծի առանձնահատկությունները՝ հասկանալու համար, թե քանի մարդ պետք է ապաքինվի COVID-19-ից, որպեսզի ձեւավորվի հավաքական իմունիտետ, եւ պոպուլյացիայում վիրուսի շրջանառությունը կասեցվի կամ սաստիկ դանդաղի:

«Պոպուլյացիայում հավաքական իմունիտետի զարգացումը գնահատելիս մենք օգտագործել ենք նոր մաթեմատիկական մեթոդ եւ հայտնաբերել, որ դրան կարելի է հասնել 43 տոկոսի մակարդակում,- ասել է Նոթինգեմի համալսարանի պրոֆեսոր Ֆրենք Բոլը: - Սա կապված է մեծ սոցիալական ակտիվության հետ եւ ոչ մի ձեւով չի համահարաբերակցվում տարիքային խմբերի հետ: Հանրությունը որքան ակտիվ է, այնքան արագ է հաղթահարում ինֆեկցիան եւ հավաքական իմունիտետ մշակում: Եվ հետեւաբար՝ ավելի արագ է սկսվում առողջացումը»:

«Մեր գիտնականների եզրահանգումները էական նշանակություն ունեն ներկայիս համավարակի հետազոտություններում եւ կարող են հաշվի առնվել ինչպես սահմանափակման միջոցառումների կարգավորման համար, այնպես էլ բժիշկների եւ սանիտարական ծառայությունների վարքագծի մոդելները կազմելիս»,- ասել է պրոֆեսոր Բոլը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։