• Latest news

Հայաստանում հաշվառված է թմրամիջոցներ օգտագործող մինչեւ 18 տարեկան 16 հոգի

26 հունիսի, 2020  12:44

Հայաստանում հաշվառված է թմրամիջոցներ օգտագործող մինչեւ 18 տարեկան 16 հոգի։ Բոլորը օգտագործում են կանաբինոիդային թմրամիջոցներ եւ բոլորը տղաներ են։ Այս մասին լրագրողներին հայտնել է ՀՀ առողջապահության նախարարության «Կախվածությունների բուժման ազգային կենտրոն»-ի տնօրեն, թմրաբանության գծով խորհրդատու Սուրեն Նազինյանի։

Նրա խոսքով՝ 2020 թվականի հունվարի 1-ի դրությամբ` Հայաստանում թմրամիջոցների օգտագործմամբ պայմանավորված հաշվառված անձանց թիվը կազմում է 7209, նախորդ տարվա 6951-ի համեմատությամբ։ Հաշվառված անձանցից 132-ը կանայք են, բոլորը՝ 18-ից բարձր տարիքի։

Մասնագետի խոսքով՝ ափիոնատիպ նյութերի գործածման հետևանքով հաշվառված է 2671 անձ (44-ը՝ կին), կանաբինոիդային թմրամիջոցների գործածման հետեւանքով՝ 4532 անձ (88-ը՝ կին) եւ կոկաինի գործածման հետևանքով՝ 6 անձ։

Հաշվառված անձանց մոտ 62-63%-ը, մասնագետի խոսով, 28-49 տարիքային խմբում են։ 19-27 տարիքային խմբում հաշվառված է 1249 անձ, 50-64 տարիքային խմբում՝ 1357 անձ։ Եւս 98 անձ 65 եւ բարձր տարիքի են։

Սուրեն Նազինյանի խոսքով՝ ի տարբերություն շատ այլ երկրների, Հայաստանում երիտասարդ տարիքի հաշվառված անձանց թիվն ավելի փոքր է․ այստեղ մարդիկ սովորաբար ավելի մեծ տարիքում են սկսում թմրամիջոցներ օգտագործել։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ