• Latest news

Նոր դեղամիջոցը կարող է պաշտպանել ուղեղը ինսուլտի ժամանակ

2 հուլիսի, 2020  23:25

University of Pittsburgh Brain Institute-ի գիտնականները հայտնաբերել են նոր դեղամիջոց, որը կարող է պաշտպանել ուղեղը ինսուլտի ժամանակ եւ հետո: Science Advances ամսագրում տպագրված նոր ուսումնասիրությունը ցույց է տվել, որ վնասված նեյրոնները կարող են կենսունակ մնալ, եթե բջջային մահվան տանող կենսաքիմիական ուղիները չակտիվանան:

Ինչպես հայտնում է Medical Express-ը, ինսուլտի հետեւանքով ախտահարված մասը շրջապատող նեյրոնները նույնպես հաճախ դադարում են նորմալ աշխատել: Երբեմն ինսուլտից մի քանի օր կամ ժամ անց նրանք նույնպես մահանում են, նույնիսկ եթե թթվածնի եւ արյան հոսքը կարճ ժամանակով դադարել է: Գիտնականները փորձել են կանխել նաեւ նման նեյրոնների մահը:

Նրանք պարզել են, որ Kv2.1 կալիումի խողովակի փոխազդեցությունը բջջային մեմբրանի եւ սպիտակուցային սինտաքսինի միջեւ խթանում է նեյրոնից կալիումի իոնների դուրս գալը, ինչը հրահրում է բջջի մահ: TAT-C1aB փորձնական միացությունը կարող է կանխել բջջային մահը՝ խափարելով սինտաքսինի եւ Kv2.1-ի փոխազդեցությունը:

Մասնագետները մեմբրանում հայտնաբերել են 2 տեսակի Kv2.1 խողովակներ: Մեկը սովորաբար մասնակցում է բջիջների գրգռվածությանը, իսկ մյուսը նպաստում է կալիումի արտազատմանը եւ արդյունքում հանգեցնում է նեյրոնների մահվան: TAT-DP-2- ը բջիջում պահում է կալիումը: Մկների վրա կատարված փորձերը, որոնց ինսուլտից հետո ներարկել են TAT-DP-2, ցույց են տվել, որ կենդանիները ավելի քիչ բնորոշ վնասվածքներ են ունեցել, եւ նկատվել է նյարդաբանական գործառույթի երկարատեւ պահպանում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ