• Latest news

Աերոբային վարժություններն այլ կերպ են ազդում արյան մեջ գլյուկոզայի բարձր մակարդակով մարդկանց վրա

24 հուլիսի, 2020  09:49

Արյան մեջ գլյուկոզայի բարձր մակարդակով մարդկանց շրջանում աերոբիկայի ծանրաբեռնվածության առավելությունները պակաս արտահայտված կլինեն, քան սովորաբար: Այսպիսի եզրակացություն են կատարել Ջոսլին դիաբետիկ կենտրոնի գիտնականները:

Խոսքը քրոնիկական հիպերգլիկեմիայի մասին է, որը նախադիաբետի փուլն է, փոխանցում է «Ռիդուսը»:

Գիտնականները փորձ են անցկացրել գլյուկոզայի բարձր մակարդակով կրծողների երկու խմբի մասնակցությամբ: Առաջին խումբը հետեւում էր շաքարի եւ հագեցած ճարպերի մեծ պարունակությամբ սննդակարգի, ինչը հիպերգլիկեմիային հավելել է քաշի ոչ մեծ ավելացումը: Երկրորդ խմբի սննդակարգում շաքարը եւ ճարպերը քիչ են եղել: Երկու խմբերի մկները ակտիվորեն մարզվել են՝ իրենց վանդակներում վազելով անիվների մեջ:

Կար նաեւ ստուգիչ խումբ՝ գլյուկոզայի նորմալ մակարդակով: Վերջինի համեմատությամբ հիպերգլիկեմիայով կենդանիների երկու խումբն էլ այդպես էլ չի կարողացել բարելավել աերոբիկայի իր ցուցանիշները:

Գլյուկոզայի բարձր մակարդակով մկների կմախքային մկանների անալիզը ցույց է տվել, որ նրանց մկանային հյուսվածքը չի ադապտացվել աերոբիկայի ծանրաբեռնվածությանը՝ ժամանակի ընթացքում դրա արդյունավետությունը չի բարձրացել մկանային հյուսվածքի բջիջների միջեւ տարածությունում սպիտակուցների փոփոխության հետեւանքով:

Մարդկանց մոտ հայտնաբերել են համանման առանձնահատկություններ: Բայց իրավիճակը կարելի է փոխել, եթե հետեւեն շաքարի մակարդակը նվազեցնող սննդակարգի, ընդգծում են գիտնականները:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ