• Latest news

Վիտամին D-ի ընդունումը չի կարող դեպրեսիայից պաշտպանել միջին եւ մեծ տարիքի մարդկանց. հետազոտություն

6 օգոստոսի, 2020  13:20

Վիտամին D-ի ընդունումը չի կարող դեպրեսիայից պաշտպանել միջին եւ մեծ տարիքի մարդկանց: Այս մասին վկայում են նոր խոշորամասշտաբ հետազոտության արդյունքները, որոնք հրապարակվել են JAMA ամսագրում:

Չնայած նրան, որ շատերը վիտամին D են ընդունում տրամադրության լավացման համար, նոր հետազոտության հեղինակ, ԱՄՆ Մասաչուսեթս նահանգի գլխավոր հիվանդանոցի հոգեբուժության բաժանմունքի բժիշկ Օլիվիա Օկերեկեն իր հետազոտության արդյունքներով հայտնաբերել է, որ այդ վիտամինի ընդունումը որեւէ էական օգուտ չի կարող տալ՝ դեպրեսիայի կամ տրամադրության լավացման տեսանկյունից:

Գիտնականի հետազոտությանը մասնակցել են 50 եւ ավելի բարձր տարիքի ավելի քան 18 000 տղամարդիկ եւ կանայք:       

Նրանցից ոչ մեկի մոտ կլինիկական դեպրեսիայի նշաններ չեն հայտնաբերվել:

Ապա ստուգվել է, թե արդյոք վիտամին D3-ը կանխում է դեպրեսիան:

Հետազոտության հեղինակի խոսքով՝ գիտական խնդիրներից մեկն այն է, որ դեպրեսիայի կանխման մասին հարցի ստուգման համար անհրաժեշտ են մեծ թվով մասնակիցներ՝ մոտ 20 000:

Նախորդ հետազոտությունները ցույց են տվել, որ արյան մեջ վիտամին D-ի ցածր մակարդակը կապված է դեպրեսիայի ավելի բարձր ռիսկի հետ կյանքի ավելի ուշ փուլում, սակայն մի շարք մասշտաբային հետազոտություններ են անցկացվել՝ պատճառահետեւանքային կապի հայտնաբերման համար:

Հետազոտության ընթացքում մասնակիցների կեսը վիտամին D3-ի (խոլեկալցիֆերոլ) հավելում է ստացել, իսկ մյուս կեսը՝ պլացեբո 5 տարվա ընթացքում:       

Ինչպես հայտնել են Օկերեկեն եւ նրա թիմը, նրանք էական տարբերություն չեն հայտնաբերել մասնակիցների երկու խմբերի միջեւ:

«Այս արդյունքները ցույց են տալիս, որ վիտամին D3-ի հավելում օգտագործելուց որեւէ օգուտ չկա 50 եւ ավելի բարձր տարիքի մարդկանց մոտ դեպրեսիան կանխելու համար: Մեր հետազոտությունը չի նշանակում, որ այդ վիտամինի օգտագործումից որեւէ պոտենցիալ օգուտ չկա»,-Fox News հեռուստաալիքին ասել է հետազոտության հեղինակը:    

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ