• Latest news

Գիտնականները կապ են գտել աշխատանքային սթրեսի եւ հիշողության վիճակի միջեւ

8 օգոստոսի, 2020  10:47

Կոլորադոյի համալսարանի գիտնականներն աշխատանքային սթրեսն առաջին անգամ կապել են ուղեղի ծերացման եւ հիշողության կորստի հետ: Հետազոտության արդյունքների նկարագրությունը հրապարակել է Daily Mail տաբլոիդը:

Մասնակիցների ամենավերջին աշխատատեղերի, հիշողության թեստավորման եւ ուղեղի սկանավորման հետազոտությունների միջոցով գիտնականները պարզել են ուղեղի փոփոխությունները եւ խնդիրների մասին հիշողություններն այն անհատների մոտ, ովքեր իրենց աշխատանքը ֆիզիկական սթրես առաջացնող են համարում:

Ընդ որում, հետաքրքիր էր այն փաստը, որ «ֆիզիկական սթրեսի» մասին հայտարարած մարդիկ միշտ չէ, որ զբաղվել են աշխատատար աշխատանքով:

Գիտնականները շեշտել են, որ խոսքն այն ​​մարդկանց մասին չէ, ովքեր ֆիզիկական աշխատանք ենք կատարում, եւ ուսումնասիրության մասնակիցներից միայն մեկն էր զբաղվում ֆիզիկական աշխատանքով:

Հետազոտողները դեռ հստակ չգիտեն, թե ինչպես ֆիզիկական սթրեսի ընկալումները կարող են ուղեղի արագ ծերացման հանգեցնել , բայց նրանց աշխատանքը կարող է լույս սփռել «ֆիզիկական ծանրաբեռնվածության մութ կողմի վրա», DailyMail-ին ասել է ուսումնասիրության հեղինակ, դոկտոր Ագա Բուրզինսկան:

Սթրեսը լայնորեն հայտնի է որպես ուղեղը քայքայող գործոն, սակայն ուսումնասիրությունների մեծ մասը դա կապում են ֆինանսական առողջության, առողջության հետ կապված խնդիրների, անառողջ հարաբերությունների կամ նույնիսկ ռասիզմի հետ կապված անհանգստության հետ, բայց` ոչ անձի զբաղվածության տեսակի:

Գիտնականները համեմատել են տարբեր աշխատանքներով զբաղվող տարեցների հիպոկամպի չափսը: Ուղեղի սականավորումը ցույց է տվել, որ մարդիկ, ովքեր ֆիզիկապես սթրեսի են ենթարկվել աշխատավայրում, ավելի փոքր հիպոկամպ ունեն, քան այն մարդիկ, ովքեր աշխատանքի ընթացքում հոգեկան սթրես են ապրել:

Բացի այդ, մարդիկ, ովքեր հայտարարել են աշխատանքի պատճառով ֆիզիկական սթրեսի մասին, ավելի շատ էներգիա են ծախսել խնդիրների վրա, որոնք իրենցից պահանջում էին ինչ-որ տեղեկատվություն հիշել:

Նշվում է, որ ուսումնասիրությանը մասնակցել են 60-ից 79 տարեկան 99 մարդ:



Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։