• Latest news

Ի՞նչ անել, եթե երեխան վնասվածք կամ կոտրվածք է ստացել

1 սեպտեմբերի, 2014  21:49

Կապանների ձգում

Կապանի ձգումը առավելապես կոճերին, ծնկներին եւ ոտնաթաթի կամարներին է հատուկ: Ձգված կապանը այտուցվելու եւ ցավ պատճառելու հատկությամբ է աչքի ընկնում.

Բուժման նպատակով հետեւյալ քայլերն են ձեռնարկվում.

• Վերջույթը հետագա վնասվածքներից պաշտպանելու համար հենակ կամ որեւէ այլ աջակից միջոց կիրառեք:

• Վնասված վերջույթը հանգստի վիճակում պահեք

• Այտուցվածությունը սահմանափակելու նպատակով՝ վնասվածք տարածքի վրա սառույց դրեք: Միջոցառումը կարճ ժամանակ պետք է տեւի՝ մաշկային հանգույցները ցրտահարումից չվնասելու համար:

• Վնասված տարածքը սառը թրջոցով եւ առաձգական վիրակապով ծածկեք:

• Վնասված վերջույթը որքան հնարավոր է՝ բարձր պահեք՝ այտուցվածությունից խուսափելու համար:

Ձգված կապանը մասնագիտական օգնություն է պահանջում, եթե.

• Երեխայի մոտ բարձր ջերմություն եք նկատում,

• Վնասված տարածքը կարմիր է եւ տաք, ինչը կարող է ինֆեկցիայի նշան լինել,

• Երեխան տանջվում է ցավից,

• Առաջին 2-3 օրերին ապաքինման նշաններ չեն նկատվում:

Կոտրվածք

Ոսկրային կոտրվածքը մասնագիտական օգնություն է պահանջում: Նախքան բժշկի ժամանումը հետեւյալ միջոցառումները ձեռնարկեք.

• Արյունահոսության պարագայում, ստերիլ վիրակապով կամ մաքուր կտորով ճնշմամբ առաջացած վերքը փակեք:

• Ջարդվածքի հատվածին մաքուր սրբիչի կամ որեւէ այլ կտորի մեջ փաթաթված սառույց դրեք՝ ցավը մեղմելու եւ այտուցվածությունից խուսափելու նպատակով: Անմիջապես մաշկի հետ սառույցի շփում չի կարելի:

• Երեխային մի տեղաշարժեք եւ կոտրված ոսկորն ուղղելու փորձ մի ձեռնարկեք, եթե մասնագիտական վերապատրաստում չեք անցել:

• Եթե երեխայի մոտ ուշագնացություն կամ ծանր շնչառություն է նկատվում, գլուխը մարմնից ներքեւ իջեցրեք եւ, հնարավորության դեպքում, ոտքերը բարձրացրեք՝ շոկից ազատելու համար:

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի