• Latest news

Աճի հորմոնի ներարկումը տարեց կանանց պաշտպանում է կոտրվածքներից

31 օգոստոսի, 2015  15:41

Աճի հորմոնի ներարկումները օգնում են նվազեցնել կոտրվածքների քանակը օսթեոպորոզով հիվանդների մոտ: Այս ներարկումները հատկապես օգտակար են տարեց կանանց համար, համարում են շվեդ գիտնականները:

Շվեդական Sodra Alvsborgs Hospital –ի գիտնականները տասը տարվա ընթացքում հետազոտություն են անցկացրել. սա տարեց կանանց շրջանում այս թեմայով ամենածավալուն եւ ամենաերկարատեւ հետազոտությունն է: Դիտարկումների ժամանակահատվածում հորմոնների ներարկումները ընդհանուր առմամբ կրկնակի կրճատում էին կոտրվածքների թիվը, ինչը զգալի արդյունք է:

Նույնիսկ հորմոնների ներարկումները դադարեցնելուց մի քանի տարի անց այդ կանանց մոտ ոսկորների միներալային խտությունը դեռ լավ մակարդակի վրա էր պահպանվում, իսկ կոտրվածքների վտանգը՝ նվազում: Ընդհանուր առմամբ, ներարկումների ժամանակաշրջանը կազմել է 18 ամիս, որից հետո կանանց առողջությանը հետեւում էին եւս մի քանի տարի:

Պլացեբո ստացածների խմբում նման էֆֆեկտ չէր նկատվում: Օսթեոպորոզը ոսկորների անշեղորեն զարգացող պաթոլոգիական հիվանդություն է, որի պատճառով ոսկորները փխրուն են դառնում, ինչն էլ իր հերթին բարձրացնում է կոտրվածքների սպառնալիքը: Օսթեոպորոզի վտանգը հատկապես մեծ է այն կանանց շրջանում, ովքեր մտել են դաշտանադադարի շրջան, քանի որ այդ ժամանակ բնական հորմոնների մակարդակը զգալիորեն նվազում է: Վիճակագրությամբ ՝ կանայք տղամարդկանցից երեք անգամ ավելի հաճախ են բախվում ՝ օսթեոպորոզի հետեւանքով առաջացած կոտրվածքների հետ:

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի