• Latest news

5 հետաքրքիր փաստ այն մասին, թե ինչ չի կարելի անել այրվածքների դեպքում

28 փետրվարի, 2016  15:54

Հավանաբար ցանկացած մարդ առիթ ունեցել է այրվածքների հետ բախվելու: Բայց ամենեւին էլ ոչ բոլորը գիտեն, թե ինչ է կարելի եւ ինչ չի կարելի անել այրվածքի դեպքում:   Ձեր ուշադրությանն ենք ներկայացնում մի քանի հետաքրքիր փաստ այն մասին, թե ինչ չի կարելի անել, եթե այրվածք եք ստացել: 

Սառույց

Ցանկալի չէ սառույց դնել այրված տեղին, զգուշացնում են արեւմտյան մասնագետները: Սառույցը սահմանափակում է մաշկի այդ հատված արյան հոսքը, ինչի հետեւանքով վիճակն ընդամենը ավելի է վատանում: Բացի այդ, դա կարող է փակչել մաշկին: Սառույց օգտագործելու փոխարեն խորհուրդ է տրվում այրված հատվածի վրա սառը ջրի շիթ պահել. դա կօգնի անցկացնել ցավը եւ հանգստացնել մաշկի գրգռվածությունը: 

Ատամի մածուկ

Այրված տեղին ատամի մածուկ քսելն այնքան էլ լավ միտք չէ, պնդում են մասնագետները: Այո, սկզբնական շրջանում կարող է թվալ, թե դա հովացնում եւ հանգստացնում է մաշկը, բայց խնդիրն այն է, որ ատամի մածուկը քիմիական այնպիսի նյութեր է պարունակում, ինչպիսին, օրինակ, կալցիումն է, որոնք ոչ միայն վնասում են մաշկը, այլեւ մեծացնում են վարակների ռիսկը: 

Ձեթ

Որոշ մարդիկ այրվածքները մշակում են կարագով կամ արեւածաղկի ձեթով: Դա վատ միտք է, որովհետեւ ձեթը մանրէների աճը սնուցող միջավայր է ստեղծում եւ կարող է վերքի վարակման հանգեցնել: Բացի այդ, ձեթը նկատելիորեն բարդացնում է վերքի հովացման գործընթացը: 

Կիտրոն

Եթե կիտրոն քսեք մաշկին, դա ոչ միայն կուժեղացնի վերքի ցավը, այլեւ կնպաստի մաշկի գրգռմանը: 

Հականեխիչներ

Չափավոր ազդեցությամբ այնպիսի հականեխիչները, ինչպիսին, օրինակ, ջրածնի գերօքսիդն է, կարող են ալերգիկ ռեակցիա առաջ բերել կամ էլ հանգեցնել գրգռվածության եւ ցավի: 

Հիշեցնենք, որ այրվածքների դեպքում խորհուրդ է տրվում վնասված հատվածը լվալ հոսող ջրով  եւ անհրաժեշտության դեպքում մասնագիտական օգնության դիմել:

 

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել անպտուղ զույգերին օգնելու համար:
2500 դրամ
5000 դրամ
10 000 դրամից ավելի
Ոչ մի